कीर्तिपुरको मेयरमा ११ स्वतन्त्र सहित २० जना भिड्दै [सूचीसहित]

काठमाडौं। यही मंसिर १६ गते हुने स्थानीय तह उपनिर्वाचनमा कीर्तिपुर नगरपालिकामा नगर प्रमुख  (मेयर) पदमा ११ स्वतन्त्र सहित २० जना चुनावी मैदानमा उत्रिएका छन् ।

निर्वाचन अधिकृतको कार्यालय कीर्तिपुर नगरपालिकाले सार्वजनिक गरेको उम्मेदवारको अन्तिम नामावली अनुसार नगरपालिका प्रमुखमा २० जना उम्मेदवार चुनावी मैदानमा होमिएका हुन् ।

मंसिर २ गते भएको मनोनयन दर्ताको क्रममा २० जनाले उम्मेदवारी दर्ता गरेका थिए । तीमध्ये कसैले पनि उम्मेदवारी फिर्ता लिएनन् ।

कीर्तिपुर नगरपालिकाका नगर प्रमुखमा नेपाली कांग्रेसबाछट निर्वाचित राजकुमार नकर्मीको गत साउन १० गते निधन भएपछि यहाँ उपनिर्वाचन हुन लागेको हो ।

हेर्नुहोस् निर्वाचन अधिकृतको कार्यालयद्धारा जारी उम्मेदवारको अन्तिम नामावली