पोखराबाट काठमाडौं ल्याइएका छविलाल जोशीको बयान सुरु

काठमाडौँ । सहकारी ठगी प्रकरणमा पक्राउ परेका छविलाल जोशीको काठमाडौँमा बयान सुरु भएको छ ।

पोखरबाट काठमाडौँ ल्याइएका उनको जिल्ला सरकारी वकिल कार्यालय काठमाडौँमा बयान सुरु भएको हो ।

स्वर्णलक्ष्मी बहुउद्देश्यीय सहकारीको रकम अपचलनमा संलग्नताबारे अनुसन्धानका लागि उनको बयान सुरु भएको हो ।

उनलाई मङ्गलवार पोखराबाट काठमाडौं ल्याइएको थियो । उनी लामो समयदेखि प्रहरी हिरासतमा छन् ।

जोशी गोर्खा मिडिया नेटवर्कका पूर्व सञ्चालक हुन् ।  उनले पोखराको सूर्यदर्शन सहकारी, काठमाडौंको स्वर्णलक्ष्मी बहुउद्देश्यीय सहकारी लगायतका सहकारीका ठगी गरेको आरोप छ ।

उनले गोर्खा मिडियामा जीबी राई, रवि लामिछाने लगायतसंग मिलेर सहकारीको रकम अपचलन गरेको आरोप छ ।