रबिन लामिछानेको नयाँ गीत ‘तारा सँगै जुन २’ सार्वजनिक (भिडियोसहित)

काठमाडौं । राष्ट्रिय लोक तथा दोहोरी गायक रबिन लामिछानेको नयाँ गीत भिडियो ‘तारा सँगै जुन २’ (तारा खसेको) सार्वजनिक भएको छ । गीतको म्युजिक भिडियो लामिछानेले आफ्नै युट्युब च्यानल मार्फत् बिहीबार सार्वजनिक गरेका छन् ।

गीतमा रबिन लामिछाने र समिक्षा अधिकारीको स्वर रहेको छ । लामिछाने कै शब्द र संगीत रहेको लोक दोहोरी गीत भिडियोमा अर्जुन सापकोटा, अन्जली अधिकारी, नेहारीका थापा र सन्तोसको अभिनय देख्न सकिन्छ ।

लामिछानेले पछिल्लो समय ‘तारा सँगै जुन’ गाएका थिए । सो गीत ६ लाख भन्दा धेरै दर्शकहरूले रुचाइएको कारण उनले ‘तारा सँगै जुन २’ (तारा खसेको) भन्ने गीत निकालेको उनले बताए ।