नेपाल घरेलु टोली पाकिस्तानसंग पराजित

काठमाडौं । नेत्रहिन टि-२० विश्व कपको समूह चरणको अन्तिम खेलमा नेपाल घरेलु टोली पाकिस्तानसंग पराजित भएको छ । बुधवार पाकिस्तानमा भएको खेलमा नेपाल १० विकेटको फराकिलो अन्तरले पराजित भएको हो ।

नेपालले दिएको १ सय १ रनको सामान्य लक्ष्य पाकिस्तानले ६.४ ओभरमा कुनै विकेट नगुमाई पूरा गर्‍यो । त्यसअघि पहिले ब्याटिङ गरेको नेपाली टोलीले १८ ओभरमा ५ विकेट गुमाएर १ सय रनको सामान्य योगफल तयार गरेको थियो । नेपालका लागि भरत थापाले सर्वाधिक ३९ तथा नरेश चौधरीले १७ रन जोडेका थिए ।

६ देशको सहभागीता रहेको विश्व कपमा शीर्ष ४ मा रहने टोलीले सेमिफाइनलमा स्थान बनाउने छन् । आगामी डिसेम्बर ३ मा फाइनल खेल हुनेछ ।