पिच सहज नभए पनि अनुभवबाट खेल जितियो : सोहेल तनभिर (भिडिओ)

काठमाडौं । गुर्खाजविरुद्ध पाँच विकेट लिएका चितवन राइनोजका पाकिस्तानी बलर सोहेल तनभिरले पिच सहज नभए पनि आफ्नो अनुभवका कारण मद्दत मिलेको बताएका छन् ।

नेपालको जस्तो पिचमा आफूले खेलिसकेको र झन्डै चार सय वटा ट्वान्टी–२० क्रिकेट खेलेकाले आफूलाई आज खेल्न गाह्रो नभएको बताए । योजनाअनुरूप खेल्न कहिले कहीँ नहुने भएपनि आज आफू भाग्यशाली रहेको उनको भनाइ छ ।

उनले आफ्नो टोली राम्रो रहेको समेत उल्लेख गरे । करिव २० वर्ष आफ्नो खेल करियर रहेको र आपूmसँग भएको ज्ञान नेपालका क्रिकेटरलाई सेयर गर्न सदैव तयार रहेको उनले बताए । साथै तनभिरले नेपाली क्रिकेट बिस्तारै विकास हुँदै आएको समेत उल्लेख गरे ।

पराजित टोली काठमाडौंका कप्तान करण केसीले राम्रो शुरुवात पाए पनि त्यसलाई सदुपयोग गर्न नसकेको बताए ।

करिव १५०÷१६० को लक्ष्य सोचे पनि शुरुमा राम्रो साझेदारी हुन नसक्दा योजना पूरा नभएको करणको भनाइ छ ।

विदेशी खेलाडीलाई पिचमा खेल्न गाह्रो हुँदा घरेलु खेलाडीले इनिङ अगाडि बढाउनुपर्ने उनको धारणा छ ।