एनपिएल खेल्न नेपाल आइपुगे अस्ट्रेलियन खेलाडी बेन कटिङ

काठमाडौं । नेपाल प्रिमियर लिग (एनपिएल) खेल्न चर्चित अस्ट्रेलियन अलराउन्डर बेन कटिङ नेपाल आइपुगेका छन् । उनले लुम्बिनी लायन्सबाट खेल्नेछन् ।

उनले इन्डियन प्रिमियर लिग (आईपीएल), बिग ब्यास लिग (बीबीएल), पाकिस्तान सुपर लिग (पीएसएल) र क्यारिबियन प्रिमियर लिग (सीपीएल) जस्ता ठूला फ्रेन्वाइजहरूमा सहभागीता जनाएक छन् ।

नेपाल प्रिमियर लिगमा सहभागिता जनाउन पाउँदा निकै उत्साहित भएको बताएका छन् । कटिङले १७० भन्दा बढी टी(२० खेल खेलेका छन् । जसमा २ हजा बढी रन बनाएका छन् ।

साथै बलिङतर्फ उनले १२६ विकेट लिएका छन् । लुम्बिनी लायन्सको मार्की प्लेयरमा नेपाली राष्ट्रिय टोलीका कप्तान रोहित कुमार पौडेल रहेका छन् भने प्रमुख प्रशिक्षकमा नन्दन फाड्निस रहेका छन्।

लुम्बिनी लायन्सले आफ्नो पहिलो खेल मङ्सिर १९ गते विराटनगर किङ्सविरुद्ध खेल्दैछ । एनपिएल टियु क्रिकेट मैदान कीर्तिपुरमा पौष ६ गतेसम्म सञ्चालन हुनेछ ।