सुदूरपश्चिम रोयल्सले विराटनगर किंग्सलाई दियो १८३ रनको लक्ष्य

काठमाडौं । सिद्धार्थ बैंक प्रिमियर लिग (एनपिएल) को चौथो खेलमा सुदूरपश्चिम रोयल्सले विराटनगर किंग्सलाई १८३ रनको लक्ष्य दिएको छ ।

टस हारेर पहिले ब्याटिङ गरेको सुदूरपश्चिम रोयल्सले निर्धारित ओभरमा ७ विकेट गुमाउँदै १८२ रन बनायो ।

सुदूरपश्चिम रोयल्सका कप्तान दीपेन्द्र सिंह ऐरीले अर्ध शतक बनाए । २४ बल सामना गरेका उनले ५७ रनको नटआउट पारि खेले ।

२४ बल सामना गरेका उनले ५७ रनको नट आउट पारि खेले । रोयल्सका ओपनर अमित श्रेष्ठ १ रनमा आउट भए भने विनोद भण्डारीले २३ रन बनाए ।

ब्रान्डन मक्मलेनले ३६ रन बनाए भने आरिफ शेखले ९ रनको योगदान दिए । सेफ अलि जेबले १४ रन बनाए ।

इशान पाण्डेले २१ रन जोडे । स्कट कुगेलेइनले १० रनको योगदान दिए ।

कप्तान ऐरी ५७ रनमा र बसन्त खत्री ४ रनमा नट आउट रहे ।

बलिङमा भने विराटनगरका अनिल खरेलले सर्वाधिक ३ विकेट लिए । प्रतिश जिसी, क्रिस सोल र इस्मत आलमले समान १–१ विकेट लिए ।