दिनेश खरेल पनि आउट, पोखरालाई दोस्रो झट्का

काठमाडौं । नेपाल प्रिमियर लिग एनपीएलमा जनपुर बोल्ट्सविरुद्ध पोखरा एभेन्जर्सले तेस्रो विकेट गुमाएको छ । कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा पोखराले दोस्रो विकेटमा रुपमा दिनेश खरेललाई १० रनमा गुमाएको हो ।

यसअघि आन्द्रस गौस २० रनमा आउट भएका थिए । टस जितेर जनकपुरका कप्तान अनिल साहले फिल्डिङको निर्णय लिँदै पोखरालाई ब्याटिङमा निम्त्याएका हुन् ।

जनकपुरको यो तेस्रो खेल हो । यसअघि जनकपुरले पहिलो खेलमा विराटनगर किंग्स र दोस्रो खेलमा कर्णाली याक्सविरुद्ध समान आठ विकेटको जित निकालेको थियो ।

प्रतियोगितामा पोखराको भने यो दोस्रो खेल हो । पोखराले यसअघि चितवन राइनोजसँग ८७ रनको हार व्यहोरेको थियो । पोखरा आज पहिलो जितको खोजीमा छ ।