एनपिएल : चितवनविरुद्ध पहिला बलिङमा कर्णाली

काठमाडौं । सिद्धार्थ बैंक नेपाल प्रिमियर लिग (एनपिएल)मा आजको पहिलो खेलमा कर्णाली याक्सले बलिङ रोजेको छ । टियु क्रिकेट मैदान कीर्तिपुरमा कर्णालीका कप्तान सोमपाल कामीले टस जितेर चितवन राइनोजविरुद्ध बलिङ रोजेका हुन् ।

चितवन सुरुवाती २ खेलमा जितका साथ बलियो स्थितीमा रहेको छ । चितवनले काठमाडौं गुर्खाज र पोखरा एभेन्जर्सलाई पराजित गरेको थियो । ऊ लगातार तेस्रो जित सहित शीर्ष स्थानमा उक्लिने लक्ष्यमा छ ।

लगातार दुई खेलमा पराजित कर्णाली पहिलो जितको लक्ष्यमा रहेको छ । पहिलो खेलमा जनकपुर बोल्ट्स र दोस्रो खेलमा काठमाडौंसँग कर्णाली पराजित भएको थियो ।