मंगलबार ह्वात्तै बढ्यो सुनको मूल्य, कतिमा हुँदैछ किनबेच ?

काठमाडौं । नेपाली बजारमा उच्च मूल्यबाट ओरालो लागेको सुनको मूल्य पुनः उकालो लाग्न थालेको छ । साताको तेस्रो कारोबार दिन आज (मंगलबार) सुनको मूल्य तोलामा २ हजार १ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला १ लाख ५२ हजार दुई सय रुपैयाँमा कारोबार भईरहेको छ । अघिल्लो कारोबार दिन सोमबार छापावाला सुन प्रतितोला १ लाख ५० हजार १ सय रुपैयाँमा कारोबार भएको थियो ।

यसदिन चाँदीको मुल्य पनि बढेको छ । चाँदी प्रतितोला ६० ले बढेर १ हजार ९ सय २५ रुपैयाँमा कारोबार भइरहेको छ । अघिल्लो कारोबार दिन सोमबार चाँदी १ हजार ८ सय ६५ रुपैयाँमा कारोबार भएको थियो ।