बाइक दुर्घटनामा कलाकार हिक्मत महराको निधन

काठमाडौँ । कैलालीको गोदावरीमा भएको मोटरसाइकल दुर्घटनामा कलाकार हिक्मत महराको निधन भएको छ । कमेडी च्याम्पियन सिजन-२ मा सहभागी भई चर्चामा आएका महराको दुर्घटनामा परी मृत्यु भएको हो ।

मंगलबार साँझ उनी सवार म २ प ९११७ नम्बरको मोटरसाइकल गोदावरी मन्दिर जाने बाटो नजिक दुर्घटनामा परेका थियो । लगत्तै सेती प्रादेशिक अस्पताल धनगढी लगिएकोमा उपचारको क्रममा उनको निधन भएको हो।

महरा कञ्चनपुरको शुक्लाफाटा नगरपालिका-१ का स्थायी बासिन्दा थिए, तर हाल गोदावरी-४ मा बस्दै आएका थिए।