कायरोमा भवन भत्किँदा ८ जनाको मृत्यु

काठमाडौं । इजिप्टको स्वास्थ्य मन्त्रालयकाअनुसार मङ्गलवार कायरोमा रहेको ६ तले आवासीय भवन भत्किँदा आठ जनाको मृत्यु भएको छ भने तीन जना घाइते भएका छन् ।

इजिप्टको राजधानीको अल–वायली जिल्लामा अवस्थित अब्बासियामा उक्त दुर्घटना भएको हो । कायरोका गभर्नर इब्राहिम साबेर खलिलले सावधानीका रूपमा नजिकैका भवनहरू खाली गर्न आदेश दिए । भत्किनुको कारण पत्ता लगाउन इन्जिनियरिङ समिति गठन गरिएको छ ।

साथै सामाजिक ऐक्यबद्धता मन्त्रालयले पीडितलाई तत्काल आर्थिक सहयोग उपलब्ध गराउनको लागि सूची तयार गरेको छ ।