महान पूर्वक्रिकेटर ब्रायन लारा आज नेपाल‌ आइपुग्ने

काठमाडौं । वेस्ट इन्डिजका महान पूर्व क्रिकेटर ब्रायन लारा शुक्रवार नेपाल‌ आइपुग्ने भएका छन् । नेपाल क्रिकेट संघ (क्यान)का अनुसार लारा आज बिहान ८ः२० मा त्रिभुवन अन्तर्राष्ट्रिय विमानस्थल आइपुग्ने छन् । लारा जारी रहेको नेपाल प्रिमियर लिग(एनपिएल) मा सहभागी हुन नेपाल आउन लागेका हुन् ।

एनपिएल कै दौरान लारा नेपाल आउन लागेको उनको अन्य कार्यतालिकाबारे भने विज्ञप्तिमा खुलाइएको छैन । एनपिएलको ३२ मध्ये बिहीवारसम्म २१ खेल सकिएको छ।

ट्रिनिडाड एन्ड टोबागोका महान ब्याटर ५५ वर्षे लाराले ओडिआइ र टेस्ट क्रिकेट दुवैमा १० हजार भन्दा बढि रन बनाएका छन् । टेस्ट क्रिकेटमा एकै इनिङमा नटआउट ४ सय रन बनाउने कीर्तिमान लाराकै नाममा छ ।