मोरङमा मोटरसाइकल दुर्घटना : बाबुछोराको मृत्यु

काठमाडौं । मोरङको ग्रामथान गाउँपालिका-२, झोराहाटमा आइतबार भएको मोटरसाइकल दुर्घटनामा बाबुछोराले ज्यान गुमाएका छन् । जिल्ला प्रहरी कार्यालय मोरङका अनुसार कटहरी गाउँपालिका-१ निवासी ४५ वर्षीय उमेश मरिक र उनका २२ वर्षीय छोरा आशिक मरिकको दुर्घटनामा मृत्यु भएको हो ।

दुर्घटना तीव्र गतिका कारण भएको बताइएको छ । प्रदेश १-०४-००२प १९०१ नम्बरको मोटरसाइकल घिनाघाट-विराटचोक सडक खण्डमा झोराहाटस्थित नहरको पुलमा ठोक्किँदा दुर्घटना भएको थियो ।

गम्भीर घाइते अवस्थामा रहेका बाबुछोरालाई विराट नर्सिङहोम लगिएको थियो । तर, उपचारका क्रममा दुवैको निधन भएको प्रहरीको जानकारी छ ।