एनपिएल : भोलि जनकपुर र कर्णाली भिड्दै,विजेताले उपाधीका लागि सुदुरपश्चिमको सामना गर्नुपर्ने

काठमाडौं । गत मंसिर १५ गतेदेखी कीर्तिपुरको टियु क्रिकेट मैदानमा सिद्धार्थ बैंक नेपाल प्रिमियर लिग (एनपिएल) जारी छ । सुदूरपश्चिम रोयल्स बुधवार जनकपुर बोल्ट्सलाई आठ विकेटले हराउँदै नेपाल प्रिमियर लिग (एनपिएल) को फाइनलमा प्रवेश गरेको छ ।

बलियो प्रतिद्वन्द्वीका रूपमा हेरिएको जनकपुरलाई पहिलो क्वालिफायरमा हराउँदै सुदूरपश्चिमले उपाधि भिडन्त तय गरेको हो । यसअघि लिगमा पनि सुदूरपश्चिमले जनकपुर बोल्ट्समाथि जित निकालेको थियो । त्यो विजययात्रा प्लेअफमा पनि सुदूरपीश्चमले कायमै राखेको हो ।

अब पराजित जनकपुरले दोस्रो क्वालिफायरमा कर्णाली याक्ससँग भोलि (बिहीवार) दिउँसो १२ः१५ बजे खेल्नेछ । यी दुईमध्ये विजेता टोली सुदुरपश्चिम रोयल्ससंग उपाधीका लागि भिड्नेछ ।

कर्णाली पनि बुधवार नै एलिमिनेटरमा चितवन राइनोजलाई हराउँदै दोस्रो क्वालिफायरमा स्थान बनाएको हो । आठ वटा टिमको सहभागिता रहेको प्रतियोगिताको फाइनल खेल शनिवार हुँदैछ ।