रियल मड्रिडले जित्यो अन्तर महादेशीय कप

काठमाडौं । स्पेनिस क्लब रियल मड्रिडले अन्तर महादेशीय कप फुटबल २०२४ को उपाधि जितेको छ । गएराति सम्पन्न खेलमा मेक्सिकोको पाचुकालाई ३-० ले हराउँदै रियल च्याम्पियन बनेको हो ।

कतारको लुसेल स्टेडियममा सम्पन्न खेलमा रियल म्याड्रिडलाई उपाधि दिलाउन किलीयन एमबाप्पे, रोड्रिगो र भिनिसियस जुनियरले एक एक गोल गरेका थिए । यससँगै रियलले आफ्ना नाममा फिफाले आयोजना गर्ने नवौं उपाधि जितेको छ । रियलले तीन वटा अन्तर महादेशीय कप र पाँच क्लब विश्वकप जितेको छ ।