आइएमई पेबाट ट्राभल बुकिङमा १०० % क्यासब्याकको अफर

काठमाडौँ । आइएमई पे ले आउँदै गरेको क्रिसमस र नयाँ वर्ष २०२५ को अवसर पारी ट्राभल बुकिङमा १०० % क्यासब्याक अफर सार्वजनिक गरेको छ ।

पुस ५ गते देखि पुस १७ गते सम्म १३ दिनको लागि चल्ने अफर अन्तर्गत सेवाग्राहीहरूले आइएमई पे मार्फत आन्तरिक हवाई टिकट, बस टिकट र केबलकार टिकट खरिदमा दैनिक १०० % क्यासब्याक जित्ने मौका पाउने आइएमई पेले जनाकारी दिएको छ ।

कम्पनीका अनुसार अफर अन्तराल भरी हरेक दिन आइएमई पेबाट आन्तरिक हवाई टिकट काट्ने १ जना भाग्यशाली सेवाग्राही, बस टिकट काट्ने ३ जना भाग्यशाली सेवाग्राही र केबलकार टिकट काट्ने १० जना भाग्यशाली सेवाग्राहीले खरिद गरिएको टिकट मूल्यको १०० % क्यासब्याक जित्ने मौका रहेको छ । विजेताहरू दैनिक लक्की ड्र मार्फत छानिनेछन् ।

‘यस्ता ग्राहकमैत्री अफरहरू प्रदान गरेर, हामी हाम्रा सेवाग्राहीहरूका लागि कुनै पनि चाडपर्व र सिजनलाई अझ विशेष बनाउने आशा गर्दछौँ । हामी सबैलाई यस अवसरको फाइदा उठाउन र डिजिटल भुक्तानीको सुविधा र फाइदाहरू अनुभव गर्न प्रोत्साहित गर्दछौँ’ आइएमई पेका एक अधिकारीले बताए ।