च्याम्पियन बलर ललित राजवंशीले जिते बाइक

काठमाडौं । जनकपुर बोल्ट्सका स्पिनर ललितनारायण राजवंशीले नेपाल प्रिमियर लिग (एनपिएल)मा बाइक पाएका छन् ।

जनकपुरलाई उपाधि दिलाउन उनले १७ विकेट लिएका थिए । १० इनिङ्स बलिङ गरेका उनले ४० ओभरमा २१३ रन खर्चिँदै १७ विकेट लिएका थिए ।

उनी एनपिएलमा सर्वाधिक विकेट लिने दोस्रो खेलाडी बने । उनीसँगै सुदूरपश्चिम रोयल्सका स्कट कुग्लिनले १७ विकेट लिए ।

ललितकै उत्कृष्ट प्रर्दशनमा जनकपुरले पहिलो सिजनको एनपीएलको उपाधि जितेको छ ।