क्यान्सर पीडित रोशी-१ का वडाध्यक्ष लामाको निधन

काठमाडौं । लामो समयदेखि क्यान्सर रोगसँग जुध्दै आएका काभ्रेको रोशी गाउँपालिका-१ का वडाध्यक्ष श्रीदास लामाको निधन भएको छ । अध्यक्ष लामाको आइतबार उपचारका क्रममा निधन भएको हो ।

नेकपा एमाले जिल्ला कमिटी सचिवालय सदस्य समेत रहेका लामा २०७४ को निर्वाचनमा पनि वडाध्यक्ष थिए । लामाको निधनप्रति रोशी गाउँपालिका र नेकपा एमाले काभ्रेले वक्तव्य जारी गर्दै दुःख व्यक्त गरेका छन् ।

रोशी गाउँपालिकाका प्रमुख प्रशासकीय अधिकृत शिवप्रसाद भन्तनाकाअनुसारवडाध्यक्ष लामाको निधनमा आज शोक बिदा दिने दिइएको छ ।