लामिछानेको हिरासतभित्रको फोटो खिच्ने भुषालमाथि अदालतले थपेन म्याद

काठमाडौं । राष्ट्रिय स्वतन्त्र पार्टी (रास्वपा) का सभापति एवं पूर्व गृहमन्त्री रवि लामिछाने हिरासतभित्र सुतिरहेको तस्वीर खिचेको आरोपमा पक्राउ परेका डा. निकोलश भुषालको म्याद थप गर्न जिल्ला अदालत कास्कीले अस्वीकार गरेको छ ।

रविको फोटो आफूले खिचेको स्वीकारसमेत गरेका भुषाललाई पक्राउ गरी सोमबार कास्की जिल्ला अदालतमा उपस्थित गराइएको थियो । प्रहरीले म्याद थपका लागि अदालत उपस्थित गराएको थियो । तर, न्यायाधीश नारायण दाहालको इजलासले हिरासतमा राखेर अनुसन्धान गर्न अनुमति नदिएपछि उनलाई हिरासतबाहिरै राखेर अनुसन्धान हुने भएको छ ।

भुषाललाई पक्राउ गरी आइतबार बिहानै पोखरा ल्याइएको थियो ।

• हिरासतमा रवि लामिछानेको फोटो मैले खिचेको हुँ : डा.निकोलस भुसाल