एनआरटीलाई हराउँदै मछिन्द्र फाल्गुनन्द गोल्डकपको फाइनलमा प्रवेश

पाँचथर । न्यू रोड टिम (एनआरटी) लाई पराजित गर्दै मच्छिन्द्र फुटबल क्लब फिदिममा जारी एघारौं फाल्गुनन्द गोल्डकप प्रतियोगिताको फाइनलमा प्रवेश गरेको छ ।

फिदिम माविको मैदानमा शनिवार भएको अन्तिम सेमिफाइनल खेलमा एनआरटीविरुद्ध १-० को साँघुरो जित निकाल्दै मच्छिन्द्र उपाधि नजिक पुगेको हो । फाल्गुनन्द गोल्डकपको फाइनलमा मच्छिन्द्रले ए डिभिजन लिग च्याम्पियन चर्च ब्वाइजसंग भिड्ने तय गरेको हो ।

प्रतियोगितामा विजेताले नगद १० लाख र उपविजेताले नगद ५ लाख पाउने आयोजकले जनाएको छ । फाइनल खेल सोमबार हुनेछ ।