इंग्लिस प्रिमियर लिगमा चेल्सी र म्यान्चेस्टर युनाइटेड पराजित
मकालु खबर
काठमाडौं । इंग्लिस प्रिमियर लिगमा इप्स्विच टाउन र न्युक्यासल विजयी भएका छन् । यी दुई टोलीले चेल्सी र म्यान्चेस्टर युनाइटेड पराजित गरेका हुन् ।
सोमवार रेलिगेसन क्षेत्रमा रहेको इप्स्विच टाउनले चेल्सीलाई हराउँदा न्युक्यासलले युनाइटेडलाई समान हराएको हो । चेल्सी र म्यान्चेस्टर २–० गोलअन्तरले पराजित भएका हुन् ।
घरेलु मैदानमा इप्स्विचलाई जित दिलाउन लियाम डेपाल र ओमारी हुट्चिन्सनले गोल गरे। डेपालले १२ औं मिनेटमा पेनाल्टीमा गोल गरे । ५३ मिनेट हुट्चिन्सनले गोल गरेपछि चेल्सी थप दबाबमा पर्यो ।
१९ खेलमा चेल्सी ३५ अंकसहित तेस्रो स्थानमा छ । एक खेल कम खेलेको शीर्षस्थानको लिभरपुलको ४५ अंक छ । १८ औं स्थानमा रहेको इप्स्विचको १५ अंक रहेको छ ।
अर्को खेलमा युनाइटेडलाई घरलु मैदानमा पराजित गर्न न्युक्यासलका लागि एलेक्जान्डर इसाक र जोएलिन्टनले गोल गरे । इसाकले चौथो मिनेट मै गोल गरे । जोएलिन्टनले १९ औं मिनेटमा गोल गर्दा युनाइटेड पहिलो हाफमै २–० ले पछि परेको थियो । युनाइटेड घरलु लगातार तेस्रो खेलमा पराजित भएको छ ।
न्युक्यासल ३२ अंकसहित पाँचौं स्थानमा उक्लिँदा युनाइटेड २२ अंकसहित १४ औं स्थानमा छ । अर्को खेलमा एस्टन भिल्ला र ब्राइटनले २–२ को बराबरी खेलेका छन् ।
मकालु खबर
