एमालेले बोलायो सचिवालय बैठक, के गर्ला निर्णय ?

काठमाडौं । नेकपा एमालेले केन्द्रीय कमिटी बैठकको तयारीस्वरूप आज सचिवालय बैठक डाकेको छ । पार्टी मुख्यालय च्यासलमा दिउँसो साढे १२ बजे बस्ने गरी बैठक बाोलाइएको हो ।

केन्द्रीय कार्यालय सचिव डा. भिष्म अधिकारीका अनुसार बैठकमा केन्द्रीय कमिटीका एजेन्डा र राष्ट्रिय राजनीतिक परिस्थितिबारे छलफल हुनेछ ।

एमालेले यसअघि पुस २१ र २२ गतेका लागि केन्द्रीय कमिटी बैठकको मिति तय गरिसकेको छ । सचिवालय बैठकले महत्वपूर्ण विषयहरूमा छलफल गरी तयारीलाई टुंगोमा पुर्‍याउने अपेक्षा गरिएको छ ।