स्वर्ण पदक विजेता लामा सम्मानित

काठमाडौं । ११ औं दक्षिण एसियाली खेलकुद (साग) का स्वर्ण पदक विजेता उसुका आङबाबु लामालाई सम्मान गरिएको छ ।

शुक्रवार आफ्नो १२ औं वार्षिकोत्सवका अवसरमा सागका स्वर्ण विजेता उसुका पूर्वखेलाडी तथा प्रशिक्षक लामालाई वनस्थलीको ढुंगेधारास्थित किन्डर गार्टेनले सम्मान गरेको हो ।

गार्टेनकी निर्देशक इन्दिरा गौतम र संस्थापक प्रिन्सिपल कुमुद भट्टले सागका स्वर्णविजेता लामालाई सम्मान गरेका हुन् । लामाले सन् २०१० मा बाङ्लादेशको ढाकामा सम्पन्न ११औं सागमा नेपाललाई स्वर्ण पदक दिलाएका हुन् ।

उनले सन् २००८ मा बाङ्लादेशकै ढाकामा सम्पन्न तेस्रो दक्षिण एसियाली उसु च्याम्पियनसिपमा पनि समान एक स्वर्ण र रजत पदक जितेका थिए ।