सोलुखुम्बु जाँदै प्रधानमन्त्री ओली, सुरक्षा व्यवस्था कडा

काठमाडौं । प्रधानमन्त्री केपी शर्मा ओली सोलुखुम्बुको सुर्के जाँदैछन् । उनी बिहान ११ बजेको समयमा बालुवाटारबाट नेपाली सेनाको हेलिकोप्टरमा दुई जना मन्त्रीसहित सुर्के जान लागेका हुन् ।

एन ए ०३८ कल साइन भएको सेनाको हेलिकोप्टरमा प्रधानमन्त्रीसँगै रक्षामन्त्री मानबीर राई र भौतिक पूर्वाधार तथा यातायातमन्त्री देवेन्द्र दाहाल पनि रहने उनको सचिवालयले जनाएको छ । प्रधानमन्त्री जाने भएपछि सोलुखुम्बुको सुरक्षा व्यवस्था कडा पारिएको छ ।

प्रधानमन्त्री ओलीको दिउँसो ३ बजे काठमाडौं फर्कने कार्यक्रम छ ।