रेस्टुरेन्टको कोठामा झुन्डिएको अवस्थामा युवति मृत फेला

काठमाडौं । रुपन्देहीको तिलोत्तमामा एक युवति मृत भेटिएकी छन् । शङ्कर नगरस्थित एक रेस्टुरेन्टमा काम गर्ने युवति रेस्टुरेन्टकै कोठामा मृत भेटिएकी हुन् ।

मृत भेटिनेमा गुल्मी घर भएकी २० बर्षीया विमला राना रहेकी छन् । बुटवल इलाका प्रहरी कार्यालयका प्रमुख डिएसपी विजय पण्डितले उनी रेस्टुरेन्टको कोठामा झुन्डिएको अवस्थामा भेटिएको पुष्टि गरे ।

युवतिको साथमा सुसाइड नोट समेत फेला परेको डिएसपी पण्डितले मकालुखबरलाई जानकारी दिए । उक्त सुसाइड नोट र घटनाको अनुसन्धान भइरहेको उनले बताए ।

‘होटेलको कोठामा मृत भेटिएकी हुन् । आत्महत्या गरेको हुनसक्ने अनुमान छ,’ उनले भने ‘युवतिको साथमा सुसाइड नोट पनि भेटिएको छ । अनुसन्धान भइरहेको छ ।’

डिएसपी पण्डितले गुल्मीस्थित उनको घरबाट आफन्तहरू झिकाइएको र थप अनुसन्धान भइरहेको बताए ।