सोलुखुम्बुको थामे पोष्टमा भूकम्पबाट ठुलो क्षति

काठमाडौं । सोलुखुम्बुको सगरमाथा राष्ट्रिय निकुञ्ज मातहत रहेको थामे पोष्टमा भूकम्पले क्षति पुर्‍याएको छ ।

खुम्बु पासाङल्हामु गाउँपालिका वडा नम्बर ५ स्थित उक्त पोष्टमा आज बिहान गएको भूकम्पले क्षति गरेको हो ।

एक तले उक्त भवनमा अगाडीको भूल ढोकाको दाँया बायाँ र झ्यालको दायाँ, बायाँ, पछाडि पट्टिको २ ठाउँमा चर्किएको जिल्ला प्रहरी कार्यालयका प्रहरी नायब उपरीक्षक द्वारिकाप्रसाद घिमिरेले जानकारी दिए ।

उक्त पोष्टमा इलाका प्रहरी कार्यालय थाम्बुचेबाट प्रहरी टोली खटिएको उनले बताए ।