दयाहाङ राई र आँचल शर्मा अभिनीत चलचित्र ‘दुखी आत्मा’ को टिजर सार्वजनिक

काठमाडौँ । चलचित्र ‘दुखी आत्मा’को टिजर सार्वजनिक भएको छ ।

मंगलबार दयाहाङ राई, आँचल शर्मा, अनुपविक्रम शाहीको शीर्ष भूमिका रहेको चलचित्र ‘दुखी आत्मा’को टिजर सार्वजनिक भएको हो ।

टिजरमा अधबैँसे पुरुषले युवतीलाई प्रेम प्रस्ताव राख्न गरेको सङ्घर्ष देखाइएको छ । टिजरमा चरित्रको यौन मनोविज्ञान र बाहिर मानिस खुसी भएपनि भित्र भित्रै ऊ कति दुखी छ भन्ने थिमलाई देखाउन खोजेको छ ।

यस चलचित्रका निर्देशक दीपेन्द्र लामा हुन् । उनकै पटकथा लेखन छ । यस चलचित्रलाई ‘नाङ्गो गाउँ’ निर्माता कम्पनी क्लक क्रिएसन्स र हिमाल कडरियाले फिल्म निर्माण गरेका हुन् ।

यो चलचित्र भ्यालेन्टाइन्स डे अवसरमा २ फागुनमा प्रदर्शन हुनेछ ।