चलचित्र ‘फिरफिरे फिरिरी’ को ट्रेलर सार्वजनिक

काठमाडौं । नेपाली चलचित्र ‘फिरफिरे फिरिरी’ को ट्रेलर सार्वजनिक भएको छ । चलचित्र विकास बोर्डको हलमा एक कार्यक्रमका बिच चलचित्रको ट्रेलर सार्वजनिक भएको हो ।

चलचित्रको ट्रेलरले गाउँघरमै बसेर विभिन्न पेशा अंगालेका युवकहरुको जीवनमा युवतीको आगमनपछि उत्पन्न परिस्थितिलाई हाँस्य शैलीमा देखाइएको छ ।

ट्रेलर रिलिज कार्यक्रममा बोल्दै निर्माता तथा कलाकार मनोज अधिकारीले चलचित्र फरक कथा वस्तुमा र नौलो शैलीमा निर्माण गरिएको बताए।

चलचित्रमा सन्दीप श्रेष्ठ, भावना उप्रेती, रविना केसी, पिटर प्रिन्स, मनोजकुमार अधिकारी, शंकर सेढाई, सूर्यमान लिम्बु, पुष्प अवस्थी लगायतको अभिनय छ ।

माघ ४ गतेबाट प्रदर्शनमा आउने चलचित्रलाई नविन भट्टले निर्देशन गरेका हुन् भने सन्दीप श्रेष्ठले फिल्मको स्क्रिप्ट मिलेर लेखेका हुन् ।