फास्ट बलर बने सन्दीप लामिछाने

काठमाडौं । जय ट्रफी मेन्स एलिट कप प्रतियोगितामा आजको खेल जारी छ ।

आज बागमती प्रदेश र त्रिभुवन आर्मी क्लबबिच प्रतिस्पर्धा भइरहेको हो । बागमतीले टस जितेर पहिले बलिङ रोजेपछि आर्मीले ब्याटिङ गरिरहेको छ ।

आर्मीले शानदार सुरुवात गरेको छ । यो समाचार तयार पार्दासम्म आर्मीले विना विकेटको क्षतिमा ६० रन कटाएको छ ।

तर, खेलमा रमाइलो दृश्य देखिएको छ । नेपाली राष्ट्रिय टोलीका स्टार स्पिनर तथा बागमतीका कप्तान सन्दीप लामिछानेले मिडियम पेस बलिङ गरेको देखियो ।

उसो त सन्दीप लामिछाने स्पिनर हुन् । तर, आजको खेलमा भने उनी फास्ट बलरको रुपमा देखिए । सन्दीपले ४ ओभर बलिङ गरिसकेका छन् । उनले चारै ओभरमा पेस बलिङ गरे ।