सल्यानमा घरभित्रै दिदी-बहिनीको शंकास्पद मृत्यु 

सल्यान । सल्यानस्थित कुपिण्डे नगरपालिका–११, सिस्नेपातलमा दिदीबहिनी घरभित्र मृत फेला परेका छन् । बुधबार बिहान ३ वर्षीया करिष्मा राना र उनकी ६ महिनाकी बहिनी राघवी (दिदीबहिनी) मृत अवस्थामा फेला परेका जिल्ला प्रहरी कार्यालय सल्यानका प्रहरी निरीक्षक बाबुराम बस्नेतले बताए ।

बुवा टेकमान राना भने रोजगारीका लागि नुवाकोटमा बस्ने गरेको बस्नेतले जानकारी दिए । आमा पुर्णिमा राना भने घरमै थिइन् ।

घटना शंकास्पद देखिएको भएपनि अन्य विवरण खुलिनसकेको प्रहरीको भनाई छ ।