केपी ओली कपअन्तर्गत राजनीतिज्ञ र कलाकारबिचको मैत्रीपूर्ण खेलमा कलाकारको टोली विजयी

काठमाडौँ । राष्ट्रिय युवा संघ नेपालले राजनीतिज्ञ र कलाकारबिच मैत्रीपूर्ण फुटबल आयोजना गरेको छ ।

शुक्रवार दिउँसो लैनचौरस्थित एनसेल खेल मैदानमा हुने फुटबल प्रतियोगितामा राजनीतिज्ञ र कलाकारबिच प्रतिस्पर्धा गराएको हो । मैत्रीपूर्ण खेलमा राजनीतिज्ञ समूहबाट नेकपा एमालेका उपमहासचिव प्रदीप ज्ञवाली, नेपाली काँग्रेसका महामन्त्री विश्वप्रकाश शर्मा, एमाले नेता भानुभक्त ढकाल, एमाले संसद सुहाङ लगायत छन् ।

यसैगरी कलाकारबाट धिरेन शाक्य, बद्री पंगेनी, दिनेश डिसी, आकाश श्रेष्ठ, केदार घिमिरे, बद्री पंगेनी लगायतका कलाकारहरूको उपस्थिति रहेको थियो । रमाइलो र प्रतिस्पर्धात्मक खेल सम्पन्न भएको र खेलमा कलाकार पक्षले जितेको एमाले नेता भानुभक्त जोशीले बताए । फागुन ११ गते प्रधानमन्त्री केपी शर्मा ओलीको जन्म दिनको अवसर पारेर केपी ओली कप आयोजना गर्दै आएको बताए ।

उनले अनुशासन, नियम, विधिको हिसाबले खेल र राजनीतिक दलहरूबिच धेरै कुरा मिल्ने बताए । अभिनेता धिरेन शाक्यले राजनीति र कलाकारलाई खेलले मित्रता कायम गराउने बताए । खेल स्वास्थ्यलाई स्वस्थ राख्न खेल्नुपर्ने बताए । गायक बद्री पंगेनीले खेलले नेता र कलाकारहरूलाई जोडेको बताए । अभिनेता केदार घिमिरेले केपी ओली कप मैत्रीपूर्ण खेल भएको र यसले आपसी सम्बन्ध, भाइचारा सम्बन्धलाई प्रगाढ बनाउने बताए ।

खेल स्वास्थ्यका लागि फाइदाजनक रहेको भन्दै सबैले खेल्नुपर्ने उनीहरूको भनाइ छ । केपी ओली कपको प्रचारका लागि कलाकार र राजनीतिक दलका नेताहरूबिच मैत्रीपूर्ण प्रतिस्पर्धा गराइएको युवा संघले जनाएको छ ।