साम्बा प्रधानमन्त्री राष्ट्रिय प्रतिभा पुरस्कृत हुने घोषणा

काठमाडौं । नेपाली राष्ट्रिय महिला फुटबल टोलीकी स्टार फरवार्ड सावित्रा भण्डारी साम्बालाई प्रधानमन्त्री राष्ट्रिय प्रतिभा पुरस्कार–२०८१ बाट सम्मानित गरिने भएको छ।

राष्ट्रिय प्रजातन्त्र दिवसको अवसरमा सरकारले खेल क्षेत्रबाट साम्बा पुरस्कृत हुने घोषणा गरेको गरेको हो ।

सरकारले एक विशेष कार्यक्रम गर्दै पुरस्कार प्रदान गरिने जनाएको छ।

नेपाल एपीएफ फुटबल क्लबमा आबद्ध साम्बा हाल फ्रान्सको एन अभान्ट गुएङग्याम्पमा आबद्ध रहेकी छन्। नेपालबाट युरोपियन लिग खेल्ने साम्बा पहिलो महिला खेलाडी हुन्।

इजरायलको हापोयल रानानामा अनुबन्ध भएपछि साम्बा युरोपियन लिग खेल्ने पहिलो महिला खेलाडी बनेकी थिइन्।

सन् २०१४ देखि राष्ट्रिय टोलीमा आबद्ध साम्बा नेपालका लागि सर्वाधिक गोल गर्ने खेलाडी हुन्।

विस. २०७६ सालमा घरेलु मैदानमा भएको १३ औँ दक्षिण एसियाली खेलकुदमा साम्बाले अनु लामाको नाममा रहेको ३५ गोलको कीर्तिमान तोडेकी थिइन्। उनी नेपालकी मात्र हैन दक्षिण एसियाकै सर्वाधिक गोलकर्ताको शीर्ष स्थानमा रहेकी छन्।

 

प्रतिक्रिया

Leave a Reply

Your email address will not be published. Required fields are marked *