रिलिज हुन दुई दिन बाँकी रहँदा चलचित्र ‘ताण्डवम्’ को प्रदर्शन रोकियो

काठमाडौं । चलचित्र ‘तान्डवम्’को प्रदर्शन रोकिएको छ । सेन्सर बोर्डले फिल्ममा हिंसात्मक दृश्य रहेकाले पास गर्न नमिल्ने भन्दै यहि फागुन ९ गते (रिलिज हुन दुई दिन बाँकी) बाट रिलिज हुने तयारीमा रहेको चलचित्र ‘तान्डवम्’ सेन्सर रोकेको हो ।

सेन्सर रोकिएसँगै बुधबार आयोजना गरिएको प्रिमियर शो समेत स्थगित गरिएको छ । फिल्म हेरेपछि सेन्सर बोर्डका सदस्यहरूले अत्याधिक हिंसात्मक दृश्य भएको भन्दै ती दृश्य काँटेर ल्याउन भनेको निर्देशक जुनिम गहतराजले जानकारी दिए । केही दृश्यहरु अत्याधिक हिंसात्मक भयो भन्दै सिनेमा सेन्सरमा रोकिएको छ ।

ती दृश्यहरु काँटेपछि सिनेमाको मर्म मर्ने उनले बताए । दृश्य काँटछाँट नगरी ‘एडल्ट सर्टिफिकेट’ दिनका लागि निर्माणपक्षले आग्रह गरेपनि सेन्सर बोर्डले अस्विकार गरेको छ ।