राजधानी मोडेल कलेजका दर्जनौँ विद्यार्थीहरू डिन लिस्टमा

काठमाडौँ । पोखरा विश्वविद्यालयको २०औँ दीक्षान्त समारोह गत बिहीबार सम्पन्न भएको छ ।

पोखरा विश्वविद्यालयको ढुंगेपाटन, कास्कीमा सम्पन्न भएको दीक्षान्त समारोहमा ७,८७२ जना विद्यार्थी दीक्षित भएका थिए । सो समारोहमा विद्यार्थीहरूलाई विशिष्ट स्वर्ण पदक र  डिन लिस्टको उपाधिबाट विभूषित गरिएको थियो ।

सो अवसरमा राजधानी मोडेल कलेजका थुप्रै विद्यार्थीहरूले डिन लिस्टको उत्कृष्ट स्थान हासिल गर्न सफल भएका छन् ।

राजधानीको पुरानो बानेश्वरमा अवस्थित सो कलेजका एक्काइस जना विद्यार्थीहरूलाई डीन लिस्ट पदक प्रदान गरिएको छ ।

पढ्नेमात्र होइन‚ काम गर्ने जनशक्ति उत्पादन गरिरहेको राजधानी मोडेल कलेज

डिन लिस्ट अवार्ड पाउने विद्यार्थीमा एमबिएका अत्यधिक छन् ।  एक्काइस जना विद्यार्थीहरू मध्य १९ जना एमबिएका र बाकिँ दुई जना बिबिएका विद्यार्थी रहेका कलेजले जनाएको छ ।

जसमा दया सापकोटा, रोहित राज कोइराला, प्रतिभा पन्थ, विवश सेनश्रीजा राजकर्णिकर, सुजन कुमार दाहाल, पुनम श्रेष्ठ, सोनिया नेपाली, रिम्शा शाक्य, विजय पाण्डे, कमल लम्साल, शरद बस्नेत, रौनक केसी, इशु श्रेष्ठ, अनुशा संगत, वर्षा ओली, सुजाता सिंह गुरुङ, आकांश्य कर्माचार्य, किरण गुरबछाने मगर, सरु पौडेल, सुस्मा रोकाया प्रतिभा पन्त, बिवस सेन रहेका छन् ।

पछिल्लो समयमा राजधानी मोडेल कलेजले व्यवस्थापन संकायका बिबिए, बिएचएम र एमबिएका कार्यक्रमहरूमा उत्कृष्ट नतिजा दिँदै अब्बल कलेजको रूपमा स्थापित गर्न सफल भएको कलेजले जनाएको छ ।

दीक्षान्त समारोह प्रधानमन्त्री एवं पोखरा विश्वविद्यालयका कुलपति केपी शर्मा ओलीको अध्यक्षता एवं शिक्षाविद् जोर्ज जोनको प्रमुख आतिथ्यमा सम्पन्न भएको थियो ।