नेपालविरुद्ध म्यानमारले गर्‍यो दोस्रो गोल

काठमाडौं । अन्तर्राष्ट्रिय महिला च्याम्पियनसिपको फाइनल खेलमा नेपालविरुद्ध म्यानमारले दोस्रो गोल गरेको छ । उपाधिका लागि आज (बुधवार) त्रिपुरेश्वरस्थित दशरथ रंगशालामा भइरहेको फाइनल खेलमा म्यानमारले खेलको दोस्रो हाफमा दोस्रो पहिलो गोल गरेको हो ।

६२औं मिनेटमा लेफ्टसाइडबाट यु पर कियाङले गोल गर्दै म्यानमारलाई अग्रता दिलाएकी थिइन् । त्यसपछि विङ तेइन्जी तुनले म्यानमारको अग्रता दोब्बर पारिन् ।

लिग चरणमा अपराजित रहँदै फाइनलमा स्थान बनाएका नेपाल र म्यानमार यसअघि पनि एकअर्कासँग भिडिसकेका छन् । नेपालले लेबनान र किर्गिस्तानलाई समान १-० को अन्तरले पराजित गर्दै उपाधि दौडमा आफ्नो दावेदारी प्रस्तुत गर्‍यो ।

म्यानमारले लेबनानलाई ३-१ तथा किर्गिस्तानलाई ५-० ले हराउँदै उत्कृष्ट प्रदर्शन गरेको थियो ।