यो बहकिएको मुटु होइन प्रिय…

देखाउन मन छ विश्वलाई

हाम्रा हिमाली फूलहरू भुलाउन मन छ ती मनहरूलाई

प्राकृतिक सुन्दर फूलबारीमा

यो बहकिएको मुटु होइन प्रिय

हृदयको योजनामा गुम्सिएको उद्देलित मन हो

चिनियाँ अङ्ग्रेजी बङ्गाली हिन्दी उर्दु सिक्नेछन्

सत्कारलाई गाउँले स्कुलमा नानीहरूले

मक्ख हुनेछन् अतिथि

हाम्रा रीति र बानीहरूले

दिल भरेर, प्यास मेटेर जाउन्

पहाडी मूलका पानीहरूले

सरकारले बाटो बनाउनेछ,

जनमनले माटो बनाउनेछन् ।

सजाउनलाई, साझा सपनाहरू

(राजेन्द्र अविरल, हाल रोमनिया)