ग्यास सिलिण्डर पड्किएर घाइते महिलाको मृत्यु

कैलाली । कैलालीको धनगढीमा ग्यास सिलिण्डर पड्किएर घाइते महिलाको मृत्यु भएको छ । यहीं चैत २ गते सिलिण्डर पड्किदा घाइते भएकी धनगढी उपमहानगरपलिका–६ मट्यारी बस्ने ३६ वर्षीया मिना खड्को मृत्यु भएको हो ।

उनको शनिवार काठमाडौँका बर्निङ हस्पिटलमा उपचारका क्रममा मृत्यु भएको जिल्ला प्रहरी कार्यालय कैलालीले जनाएको छ । सोही घटनामा घाइते भएका मृतककी छोरी २० वर्षीय चन्द्रा खड्का र ग्यास बिक्रेता स्थानीय व्यापारी ४० वर्षीय गोविन्द राज जोशीको उपचार भइरहेको छ ।