गायक खत्री र गायिका मैनालीलाई पुत्रलाभ

काठमाडौं । गायक कमल खत्री र गायिका मेलिना मैनालीलाई पुत्रलाभ भएको छ ।

आइतबार मेलिनाले छोरालाई जन्म दिएकी हुन् । छोरा जन्मिएपछि गायक खत्रीले आफ्नो सामाजिक सञ्जालमार्फत जानकारी दिएका थिए ।

उनले पहिलो पटक बाबु–आमा बनेको भन्दै सामाजिक सञ्जालमार्फत खुसी व्यक्त गरेका छन् ।

उनले लेखेका छन्,’ आज जीवनको सबैभन्दा अविस्मरणीय दिन मध्य एक बनेको छ । पहिलो पटक बाबु–आमा बन्न पाउँदा जुन खुशी अनुभूति गरिरहेको छु, त्यो शब्दमा व्यक्त गर्न गाह्रो छ।’ ‘मेरो परिवारमा न्यानो उज्यालो लिएर आएको मेरो सानो राजकुमारलाई स्वागत छ,’उनले जोडेका छन्,’यस विशेष अवसरमा, सम्पूर्ण अस्पतालको डाक्टर, नर्स र सम्पूर्ण स्वास्थ्यकर्मीलाई मुरी मुरी धन्यवाद दिन चाहन्छु जसले यो यात्रालाई सुरक्षित र सहज बनाउनु भयो ।’

उनले आफ्नो सामाजिक सञ्जालबाटै परिवार, आफन्तजन र साथीभाइलाई पनि धन्यवाद दिएका छन् । उनले लेखेका छन्, ‘तपाईं सबैको मायाले मेरो परिवार अझ पूर्ण भएको महसुस भएको छ । भगवान्को कृपाले मेरो सानो बाबु स्वस्थ, सुखी, र सफल होस् भन्ने कामना गर्छु ।’