नेपाल एसबिआई बैंकद्धारा ग्लोबल मनी वीक २०२५ को अवसरमा वित्तीय साक्षरता कार्यक्रम

काठमाडौँ । नेपाल एसबिआई बैंक लिमिटेडले बैंकको संस्थागत सामाजिक उत्तरदायित्व अन्तर्गत ग्लोबल मनी विक २०२५ को अवसरमा वित्तीय साक्षरता कार्यक्रमहरूको आयोजना गरेको छ ।

‘think before you follow, wise money tomorrow’ भन्ने नाराका साथ चैत्र ४ देखी १० गतेसम्म बैंकले वित्तीय साक्षरता कार्यक्रमहरूको आयोजना गरेको हो ।

सातै प्रदेशमा आयोजना गरिएको उक्त कार्यक्रमले स्कुल तथा कलेजका विद्यार्थीहरूलाई बचतको महत्त्व, ऋण तथा लगानी, डिजिटल बैंकिङ, डिजिटल ठगी सम्बन्धी सचेतना र अन्य आधारभूत बैंकिङ तथा वित्तीय अवधारणा लगायत विभिन्न विषयहरूमा जानकारी गराएको थियो ।

उक्त कार्यक्रमहरू कोशी प्रदेशको धर्मदेवी, बेल्टार, धरान, लिमचुङबुङ, बर्गाछी (विराटनगर) र दमक, मधेस प्रदेशको राजगढ, लहान, चन्द«निगाहापुर, जनकपुर, हरिवन र सिमरा, बागमती प्रदेशको दरबारमार्ग, न्यूरोड रत्ननगर, हाकिमचोक, बट्टार, धादिङ, पाटन, बनेपा र हेटौँडा, गन्डकी प्रदेशको वालिङ, बागलुङ, सिसुवा र पोखरा, लुम्बिनी प्रदेशको पाल्पा, लमही, दाङ, सुनछहारी र भैरहवा, कर्णाली प्रदेशको सुर्खेत, सुदूर पश्चिम प्रदेशको धनगढी, शिवनाथ, अत्तरीया, गन्यापधुरा र महेन्द«नगर लगायतका विभिन्न स्थानहरूमा सञ्चालित कार्यक्रममा पन्ध्र सय भन्दा बढी बालबालिका तथा विद्यार्थीहरूको सहभागिता रहेको बैंकले जनाएको छ ।

नेपाल एसबिआई बैंक लि.ले विगत ३१ वर्ष देखि बैकिङ सेवा प्रदान गर्दै आईरहेकोे छ ।