काठमाडौंको तिनकुनेमा लगाइयो कर्फ्यू

काठमाडौं । काठमाडौंको तिनकुनेमा राजावादीहरूको आन्दोलनले उग्ररुप लिएपछि सरकारले यहाँ कर्फ्यू लगाएको छ । जिल्ला प्रहरी परिसर काठमाडौंका प्रमुख एसएसपी विश्व अधिकारीका अनुसार तिनकुनेमा कर्फ्यू लगाइएको छ ।

जिल्ला प्रशासन कार्यालय काठमाडौंले काठमाडौंको शान्तिनगर पुलदेखि मनोहरा खोला पुलसम्म कर्फ्यु आदेश जारी गरिएको हो ।

शुक्रबार बसेको जिल्ला सुरक्षा समितिको बैठकले काठमाडौंको तीनकुने क्षेत्रमा कर्फ्यू​ लगाएको हो । राजावादी समूहले तिनकुनेमा घरमा तोडफोड गर्नुका साथै आगजनी समेत गरेका थिए ।

राजावादीहरुको प्रदर्शन उग्र बनेपछि प्रहरीले अश्रुग्याँस सहित हवाई फायर समेत गर्नुपरेको थियो ।