राजावादीले आजगनी र तोडफोड गरेपछि कमल थापाले के भने ?
मकालु खबर २०८१ चैत १५ गते
काठमाडौं । राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले शुक्रबार राजावादी समर्थकले गरेको प्रदर्शनबाट भएको क्षतिप्रति दुख व्यक्त गरेका छन् । उनले शुक्रबार साँझा सामाजिक सञ्जाल फेसबुकमा स्टाटस लेख्दै घटनाको निन्दा गरेका हुन् ।
थापाले राजावादी प्रदर्शनको क्रममा भएको तोडफोड र आगजनी निन्दनीय भएको बताउँदै सरकारी दमनको कारण उत्तेजित भिडले तोडफोड र आगजनी गर्न पुगेको उल्लेख गरे ।
थापाले प्रदर्शनको क्रममा सरकारले दमन गरेको भन्दै भर्त्सना समेत गरेका छन् ।
थापाले लेखेको स्टाटस
भ्रष्ट व्यवस्था र भ्रष्ट शासकबाट मुक्ति तथा हिन्दुराष्ट्र र राजसंस्था पुनःस्थापनाको निम्ति आज काठमाडौंमा भएको प्रदर्शनको क्रममा सरकारले गरेको दमनको राप्रपा नेपाल भत्सर्ना गर्दछ। प्रदर्शनको क्रममा भएका अप्रिय घटनाहरु खेदजनक छ।प्रहरीको गोली लागेर किर्तिपुरका युवा सविन महर्जनले सहादत प्राप्त गरेका छन्। तिनकुनेमा आगो लागेको भवनमा जलेर एभिन्यूज टेलिभिजनका फोटो पत्रकार सुरेश रजकको निधन भएको सुन्दा स्तव्ध भएको छु। यो घटनाको जति नै निन्दा गरे पनि कम हुन्छ ।दिवंगत आत्माहरूको चीरशान्तिको कामना गर्दछु।
दर्जनौं प्रदर्शनकारी र प्रहरीहरू घाईते भएका छन्। घाईतेहरुको शिघ्र स्वास्थ्यलाभको कामना गर्दछु।तिनकुनेमा निजी घरमा पसेर प्रहरीले जुलुसमा र सभा शुरु हुनु अगावै मञ्चमा अश्रुग्यास प्रहार गरेपछि परिस्थिति अराजक हुनपुगेको हो।सरकारी दमनको कारण उत्तेजित भिडले नेकपा(एस)को पार्टी कार्यालय,प्रकाशनगृह, निजी घर, सुपर मार्केट र सरकारी कार्यालयमा भएको तोडफोड र आगजनी निन्दनीय छ।
मकालु खबर २०८१ चैत १५ गते
प्रतिक्रिया
सम्बन्धित
