कोइरालाको नेतृत्वमा राष्ट्रिय विज्ञापन संघको नयाँ कार्यसमिति चयन

काठमाडौं । राष्ट्रिय विज्ञापन संघ नेपालको पहिलो महाधिवेशनले प्रदिप प्रसाद कोइरालाको नेतृत्वमा १४ सदस्यीय नयाँ कार्यसमिति सर्वसम्मत रूपमा चयन गरेको छ । मिडिया सोलुसन प्रालिका कोइरालाको नेतृत्वमा गठित कार्यसमितिले नेपाली विज्ञापन क्षेत्रमा नयाँ ऊर्जा भर्ने विश्वास गरिएको हो ।

नवनिर्वाचित कार्यसमितिमा प्रथम उपाध्यक्षका रूपमा सिटी एक्सप्रेस मिडिया प्रालिका अमृतकुमार पन्थी चयन भएका छन् भने द्धितीय उपाध्यक्षमा एड चौतारीका आशिष खड्का निर्वाचित भएका छन् । महासचिवको जिम्मेवारी मिडिया जर्नलका बिमल खड्काले सम्हाल्ने भएका छन् भने सचिवमा नेपाल मिडिया हाउस प्रालिका नवराज निरौला चयन भएका छन् ।

त्यसैगरी, कोषाध्यक्षमा स्मारिका ट्रेडर्स प्रालिका अरुण आर्याल र सह-कोषाध्यक्षमा सिगास मिडिया हव प्रालिका चन्द्रकान्ता अवस्थी चयन भएका छन् । प्रमुख निर्वाचन अधिकृत अधिवक्ता प्रदिप सत्यालका अनुसार समितिका अन्य सदस्यहरूमा स्वार्गद्धारी मिडिया प्रालिका बसन्त योगी, डच मिडिया प्रालिका रवि अर्याल, एमबिसस मिडिया प्रालिका राधाकुमारी ढकाल रोजी, प्रिन्ट प्रो इन्टरप्राइजेजका अनुप अधिकारी, के एण्ड आर डिजिटल मार्केटिङका कुलराज भट्टराई, पोलिसी मिडिया प्रालिका सविन पोखरेल, तथा नेश्नल डिया सर्भिस प्रालिका अदिप पाठक निर्वाचित भएका छन् ।

संघको पहिलो महाधिवेशनको उद्घाटन सञ्चारमन्त्री पृथ्वी सुब्बा गुरुङले गरेका थिए । संघले विज्ञापन क्षेत्रको विकासका लागि नवनिर्वाचित नेतृत्वलाई सफल कार्यकालको शुभकामना व्यक्त गरेको छ ।