ज्ञानेन्द्र शाहको सुरक्षामा खटिएको सशस्त्रको सेट नै परिवर्तन

काठमाडौं । पूर्वराजा ज्ञानेन्द्र शाहको सुरक्षामा खटिएको सशस्त्र प्रहरी बलको टोलीलाई सरकारले परिवर्तन गरेको छ। साथै, उनको सुरक्षाका लागि खटिने सुरक्षाकर्मीको संख्या पनि घटाइएको छ।

गृहमन्त्रालय स्रोतका अनुसार डीएसपी जगदिश हमालको नेतृत्वमा रहेको टोलीलाई फिर्ता बोलाएर प्रमोद प्रकाश पाठकको कमाण्डमा १६ जनाको नयाँ टोली परिचालन गरिएको छ। यो परिवर्तन भीभीआईपी सुरक्षा मापदण्डअनुसार गरिएको हो।

यसअघि, शुक्रबार राति बसेको मन्त्रिपरिषद् बैठकले काठमाडौंको तीनकुनेमा भएको हिंसात्मक घटनालाई पूर्वराजा शाहसँग जोड्दै त्यसैका आधारमा सुरक्षा पुनरावलोकन गरिएको निष्कर्ष निकालेको थियो।