भाटभटेनी लुटपाट : ९ जना पक्राउ (नामसहित), लुटपाट गरेका सामाग्री पनि बरामद
मकालु खबर २०८१ चैत १७ गते
काठमाडौँ । गत शुक्रवार कोटेश्वरस्थित भाटभटेनीमा लुटपाट गरेको आशंकामा प्रहरीले ९ जनालाई पक्राउ गरेको छ ।
प्रहरीले राजावादी आन्दोलनका क्रममा लुटपाट गरेको भन्दै ९ जनालाई पक्राउ गरेको हो ।
प्रहरीले उनीहरूलाई काठमाडौँका विभिन्न स्थानहरूबाट चैत १६ र १७ गते पक्राउ गरेको जानकारी दिएको छ ।
प्रहरीका अनुसार पक्राउ परेकाहरू भाटभटेनी आसपासकै रहेका भने उनीहरूबाट ऐना, गाजल, लिपिस्टिक, फलफूल र मदिरा लगायतका सामानहरू बरामद गरिएको छ ।
साथै थप अनुसन्धान तथा कारबाहीका लागि प्रहरी वृत्त बानेश्वर पठाइएको प्रहरीले जानकारी दिएको छ ।
पक्राउ पर्नेहरूको नामावली :
- धनुषा घर भई कोटेश्वर बस्ने आशीष साह
- सर्लाही घर भई कोटेश्वर नरेफाँट बस्ने प्रेम कुमार महतो
- नरेफाँट नै बस्ने भारत घर भएका रवि रञ्जन कुमार
- नुवाकोट घर भई कोटेश्वर बस्ने सुशीला कुमाल
- सुनसरी धरान घर भएकी कोटेश्वर बस्ने एलिसा राई
- कोटेश्वर नरेफाँट बस्ने बालकुमारी कार्की
- सिन्धुपाल्चोक घर भई नरेफाँट बस्ने निर्मला कार्की
- सिन्धुली घर भई नरेफाँट बस्ने चित्रमाया बस्नेत
- सिन्धुली तीनपाटन घर भई नरेफाँट नै बस्ने सुस्मिता बराल
बरामद सामान :
- Black Label मदिरा थान -१ (1ltr )
- Jack Daniels मदिरा थान -२ ( 2ltr)
- बियरको खाली बोतल थान -४
- Yarchagumba Brand को मदिरा थान -१ ( 750ml)
- ११ थान हाफ् पाइन्ट,१ थान ट्राउजर
- १ थान ट्रे, १ थान क्यारेट
- १ थान क्यारेट
- फलफूल
- लिपस्टिक थान -६९, ऐना थान -१, गाजल थान -२१,
- अन्य सामान थान -१२
मकालु खबर २०८१ चैत १७ गते
प्रतिक्रिया
सम्बन्धित
