सार्वजनिक प्रतिष्ठानमा भएको सरकारी लगानीप्रति सरकार सचेत : अर्थमन्त्री
मकालु खबर
काठमाडौं । उपपप्रधानमन्त्री एवं अर्थमन्त्री विष्णु पौडेलले सार्वजनिक प्रतिष्ठानमा रहेको सरकारी लगानी डुबेकाले यसको व्यवस्थापनका लागि विधेयकमा व्यवस्था गरिएको बताएका छन् ।
सोमवार राष्ट्रिय सभा बैठकमा प्रस्तुत भएको प्रतिनिधि सभाबाट सन्देशसहित प्राप्त ‘निजीकरण (पहिलो संशोधन), विधेयक २०८१’ माथि दफावार छलपलमा सांसदहरुले उठाएका जिज्ञासाको जवाफ दिँदै उनले यस्तो बताएका हुन् ।
उनले सार्वजनिक प्रतिष्ठानमा सरकारी लगानीले प्रतिफल दिने गरी काम गर्नुपर्ने बताए । उनले समाजवादमा पुग्ने संवैधानिक रुपमा सबैको लक्ष्य एउटै रहेको बताए ।
आमनागरिकमा न्यायपूर्ण समृद्धिको पहुँच नै समाजवाद भएको उनको भनाइ छ । उनले भने, ‘समाजवादको सन्दर्भमा माननीयहरुले अद्यपी संविधानमा समाजवाद हाम्रो साझा गन्तव्य हो । संविधानले प्रष्ट गरेकै छ । तरपनि बुझाइमा समाजवाद के हो रु कसरी पुगिन्छ भन्ने बारेमा हाम्रा आआफ्नै बुझाइहरु हुन सक्छन् । फेरिपनि समाजवाद मैले बुझ्दा खेरि समृद्धि र समृद्धिको जगमा मात्रै समाजवाद सम्भव छ । समृद्धिमा आमनागरिकको न्यायपूर्ण पहुँच त्यो चाहिँ समाजवाद हो त्यसकारण हामी त्यो दिशातफै जाने गरी नै जानुपर्छ र सार्वजनिक प्रतिष्ठानहरुलाई अहिलेको विधेयकको मुख्य मर्म के छ भने सार्वजनिक प्रतिष्ठानमा रहेको सरकारी लगानी व्यवस्थापन गर्नु पर्यो, सरकारी लगानी डुब्यो त्यो व्यवस्थापन गर्नु पर्यो । यस्ले प्रतिफल दिनुपर्यो भन्ने उद्देश्यले विधेयक केन्द्रित रहेको हुनाले तदअनुकुल नै लिइ दिनका लागि आग्रह गर्छ ।’
उनले सार्वजनिक प्रतिष्ठानमा भएको राज्यको लगानीप्रति सकार सचेत रहेको बताए ।
मकालु खबर
