त्रिवि केन्द्रीय क्याम्पस स्ववियु सभापतिमा जोशी झिनो मतान्तरले निर्वाचित

काठमडाौं । त्रिभुवन विश्वविद्यालय केन्द्रीय क्याम्पस कीर्तिपुरको स्ववियु सभापतिमा नेविसंघका दिपक राज जोशी निर्वाचित भएका छन् ।

सोमबार भएको निर्वाचनमा उनी ७ सय ८९ मत सहित सभापतिमा निर्वाचित भएका हुन् । यस्तै उनका निकतम प्रतिस्पर्धी अनेरास्ववियुका सिद्धान्त भट्टले ७ सय ८१ मत प्राप्त गरे । त्यस्तै क्रान्तिकारीका प्रविन दाहालले ७ सय २७ मत ल्याउँदा स्वतन्त्र उम्मेदवार उज्वल खड्काले ७ सय १७ मत प्राप्त गरे ।

जम्मा ३ हजार १ सय १८ मत खसेको थियो । जोशी ८ मतान्तरले निर्वाचित बनेका हुन् ।

सभापति बाहेक अन्य पदमा भने अनेरास्ववियुका उम्मेदवार विजयी भएका छन् । सचिवमा अनेरास्ववियुका हिक्मतकुमार बुढा र कोषाध्यक्षमा सञ्चमाया सुब्बा निर्वाचित भएका छन् ।