खबर दिनभर : पूर्वराजाले उन्मुक्ति नपाउने,संसदमा चर्काचर्की,पाँच महिनापछि पार्टी काममा फर्किए रवि

पूर्वराजा ज्ञानेन्द्र शाहले उन्मुक्ति पाउँदैनन् : प्रधानमन्त्री

प्रधानमन्त्री केपी शर्मा ओलीले पूर्वराजा ज्ञानेन्द्र शाहले उन्मुक्ति नपाउने बताएका छन् । प्रतिनिधि सभाको सोमवारको बैठकलाई सम्बोधन गर्दै उनले यस्तो बताएका हुन् ।

तीनकुनेमा गत शुक्रवार भएको राजावादी समूहको आन्दोलन हिंस्रक हुनुमा पूर्वराजा शाहको समेत संलग्नता भएको उल्लेख गरेका हुन् । उनले जुनसुकै आवरणमा पनि हिंस्रक आन्दोलन गर्ने जोसुकैलाई कानूनी दायरामा ल्याइने दाबी गरे ।

उनले पूर्वराजा शाहले भिडियो वक्तव्य जारी गरी भीड उक्साउने काम गरेको समेत आरोप लगाए । उनले व्यवस्था मासेर फेरि राजा बन्छु भन्नेले उश्रृंखल श्रृंखलावद्ध घटनामा आफ्नो धारणा सर्वजनिक गर्नु पर्दैन ? भन्दै प्रश्न समेत गरे ।

उनले भने, ‘पूर्वराजा ज्ञानेन्द्र शाहले गत फागुन ७ गते सार्वजनिक भिडियो वक्तव्य जारी गर्दै भिड उत्साउने काम ग¥यो । पूर्वराजा शाहले पनि उन्मुक्ति पाउनु हुन्न । फेरि राजा बन्छु, व्यवस्था मास्छु भन्नेले यी सबै श्रृंखलावद्ध घटनामा आफ्नो धारणा सर्वजनिक गर्नुपर्दैन ।’

प्रधानमन्त्री ओलीले पूर्वराजाविरुद्ध अभिव्यक्ति दिँदा राप्रपा सांसदहरुले सभामा उठेर बिरोध जनाए ।

राष्ट्रपतिद्वारा पाँच वटा विधेयक प्रमाणीकरण

राष्ट्रपति रामचन्द्र पौडेलले सङ्घीय संसद्का दुवै सदनबाट पारित भई पेस भएका विभिन्न पाँचवटा विधेयक प्रमाणीकरण गरेका छन् ।

राष्ट्रपति कार्यालयका प्रवक्ता शैलजा रेग्मी भट्टराईले सोमबार विज्ञप्ति जारी गरी प्रमाणीकरणका लागि पेस भएका विधेयकहरू संविधानको धारा ११३ को उपधारा २ बमोजिम राष्ट्रपतिले प्रमाणीकरण गर्नुभएको जानकारी दिए ।

प्रमाणीकरण भएका विधेयकहरूमा सुशासन प्रवर्द्धन तथा सार्वजनिक सेवा प्रवाहसम्बन्धी केही नेपाल ऐनलाई संशोधन गर्न बनेको विधेयक, सहकारीसम्बन्धी केही नेपाल ऐनलाई संशोधन गर्न बनेको विधेयक, आर्थिक कार्यविधि तथा वित्तीय उत्तरदायित्व ऐन, २०७६लाई संशोधन गर्न बनेको विधेयक, आर्थिक तथा व्यावसायिक वातावरण सुधार र लगानी अभिवृद्धिसम्बन्धी केही नेपाल ऐनलाई संशोधन गर्न बनेको विधेयक र निजीकरण ऐन, २०५० लाई संशोधन गर्न बनेको विधेयक रहेका छन् ।

यी विधेयक आजै सङ्घीय संसद्का दुवै सदनबाट पारित भएका थिए ।

त्रिवि केन्द्रीय क्याम्पस स्ववियु सभापतिमा जोशी झिनो मतान्तरले निर्वाचित

त्रिभुवन विश्वविद्यालय केन्द्रीय क्याम्पस कीर्तिपुरको स्ववियु सभापतिमा नेविसंघका दिपक राज जोशी निर्वाचित भएका छन् ।

सोमबार भएको निर्वाचनमा उनी ७ सय ८९ मत सहित सभापतिमा निर्वाचित भएका हुन् । यस्तै उनका निकतम प्रतिस्पर्धी अनेरास्ववियुका सिद्धान्त भट्टले ७ सय ८१ मत प्राप्त गरे । त्यस्तै क्रान्तिकारीका प्रविन दाहालले ७ सय २७ मत ल्याउँदा स्वतन्त्र उम्मेदवार उज्वल खड्काले ७ सय १७ मत प्राप्त गरे ।

जम्मा ३ हजार १ सय १८ मत खसेको थियो । जोशी ८ मतान्तरले निर्वाचित बनेका हुन् ।

सभापति बाहेक अन्य पदमा भने अनेरास्ववियुका उम्मेदवार विजयी भएका छन् । सचिवमा अनेरास्ववियुका हिक्मतकुमार बुढा र कोषाध्यक्षमा सञ्चमाया सुब्बा निर्वाचित भएका छन् ।

साढे पाँच महिनापछि पार्टी जिम्मेवारीमा फर्किएका रविले केन्द्रीय समिति बैठकमा के बोले ?

राष्ट्रिय स्वतन्त्र पार्टी (रास्वपा) का सभापति एवं पूर्व गृहमन्त्री रवि लामिछाने साढे पाँच महिनापछि पार्टी जिम्मेवारीमा फर्किएका छन् । उनले सोमबार पार्टी केन्द्रीय समिति बैठकको अध्यक्षता ग्रहण समेत गरेका छन् ।

आज दुई वटा बैठक सम्मपन्न भए । सुरु बैठकको सभापतित्व डोल प्रसाद अर्यालले गरे भने त्यसपछि बसेको बैठकको सभापतित्व रवि लामिछानेले गरेका थिए ।

बैठकमा बोल्दै लामिछानेले गणतन्त्र भनेको ओली तन्त्र र देउवा तन्त्र नभएको बताए । उनले गणतन्त्र भनेको जनताको तन्त्र भएको र त्यो झन्डा आफुहरुले बोक्ने बताए । उनले सबै व्यवस्थाको उत्कृष्टताको परीक्षा दिनुपर्ने बताउँदै त्यसमा केही पास भएको रकेही फेल भएको बताए ।

उनले यो सबैको लागि आफु सङ्गठनमा भारी रूपमा फेरबदल र पुनर्संरचनामा जान चाहेको बताउँदै सबैलाई तयार रहन आग्रह गरे ।

उनले नख्खुमा बाढी पहिरोको चपेटामा परेका ४ नागरिक बचाउन भिजिबिलिटी नपुगेको गृह मन्त्रालय र गत शुक्रबार तीनकुनेमा ४ हजारलाई सम्हाल्न नसकेको सरकारले सबै शक्ति केवल रास्वपामा प्रयोग गरिरहेको समेत उनले बताए ।

ओली नेतृत्वको गठबन्धनले अर्को प्रहार गर्न सक्ने भन्दै अहिलेको पार्टी संरचना अझै सबल र सशक्त हुन आवश्यक रहेको बताए ।

उनले अरू दलमा अवसर नपाएर मात्रै आउने ठाउँ राष्ट्रिय स्वतन्त्र पार्टी नभएको उल्लेख गर्दै देश बनाउनको लागि एक ठाउँमा आएर अभियानमा लाग्ने पार्टी भएको बताए ।

उनले आफु पार्टीको लागि २४ घण्टा खट्न, सयौँ किलोमिटर हिँड्न तयार रहेको समेत बताए ।

रास्वपाले राष्ट्र निर्माणसम्बन्धी खाका तयार गर्न गठन गर्‍यो ‘मिसन ब्लुप्रिन्ट’

राष्ट्रिय स्वतन्त्र पार्टी (रास्वपा) का सभापति रवि लामिछानेले पार्टीको पहिलो महाधिवेशन आगामी वैशाखमा हुने बताएक छन् ।

सभापति रवि लामिछानेको अध्यक्षतामा सोमबार बसेको केन्द्रीय समितिको बैठकले पार्टीको राष्ट्रिय भेलाबाट घोषणा गरेकै समय अर्थात वैशाखमा पहिलो महाधिवेशन आयोजना गर्ने निर्णय गरेको हो ।

महाधिवेशन आयोजना गर्ने सन्दर्भमा केन्द्रीय समितिका सदस्य र प्रदेश समितिबाट आगामी तीन दिनभित्र लिखित राय र कार्यविवरण पार्टीमा पेश गर्न उनले निर्देशन दिएको कार्यवाहक प्रवक्ता मनिष झाले जानकारी दिए।

त्यसैगरी बैठकले ‘जनताको कुरा सुन्ने यात्रा, जनयात्रा’ यही चैत २३ गते चितवनबाट सुरु गर्ने निर्णय गरेको छ । पार्टीका तर्फबाट राष्ट्र निर्माणसम्बन्धी खाका तयार गर्न उपसभापति डोलप्रसाद अर्याल र डा।स्वर्णिम वाग्लेको संयोजकत्वमा पूर्वमन्त्री सुमना श्रेष्ठ, शिशिर खनाल, विराजभक्त श्रेष्ठ र डा।तोसिमा कार्कीसहितको ‘मिसन ब्लुप्रिन्ट’ कार्यदल गठन गरिएको छ ।

लिडरसिप एकेडेमी र उम्मेद्वार क्लबको कार्यान्वयनका लागि सहमहामन्त्री सुमना श्रेष्ठ र विपिनकुमार आचार्यलाई जिम्मेवारी तोकिएको छ । पार्टीको जनयात्रा कार्यक्रमको कार्यविधिलगायतको संयोजन जिम्मेवारी संसदीय दलका उपनेता विराजभक्त श्रेष्ठलाई तोकिएको छ ।

आजको बैठकले गण्डकी प्रदेश समितिको सिफारिसमा गण्डकी प्रदेश सहमहामन्त्रीमा कृष्णप्रसाद लम्साल र कृष्णकुमारी अधिकारीलाई मनोनयनसमेत गरेको छ । करिब साढे पाँच महिनापछि सभापतिको जिम्मेवारीमा फर्किएका लामिछानेले वर्तमान राजनीतिक परिस्थितिमा अहिलेको पार्टी संरचना अझै सबल र सशक्त हुन आवश्यक रहेको बताए ।

सङ्गठनमा फेरबदल र पुनःसंरचनाका लागि तयार रहन सभापति लामिछानेले पार्टी सदस्यलाई आह्वान गरे ।

वैकल्पिक स्रोत व्यवस्थापन कोष सञ्चालन गर्न कानूनी प्रवन्ध मिलाउँदै सरकार

सरकारले खर्बको वैकल्पिक कोष खडा गर्नेगरी प्रक्रिया अघि बढाएको छ । अर्थ मन्त्रालयकाअनुसार वैकल्पिक स्रोत व्यवस्थापन कोष संचालन गर्ने उद्देश्यले यससम्बन्धि कानूनी प्रवन्ध मिलाउन लागेको हो ।

जसमा सरकारी संस्थाहरुसहित निजी क्षेत्रले समेत लगानी गर्न सक्नेछन् । सो कोषमा बीमा कम्पनी, नेपाल सरकार, अन्तर्राष्ट्रिय वित्तीय संस्था वा विदेशी बैंक वा वित्तीय संस्था, कर्मचारी सञ्चय कोष, नागरिक लगानी कोष, सामाजिक सुरक्षा कोषहरुले लगानी गर्न पाउनेछन् ।

अर्थमन्त्री विष्णुप्रसाद पौडेलले २०८१ असार ३१ गते अर्थमन्त्रीको पदभार सम्हाल्ने क्रममा वैकल्पिक वित्तसम्वन्धी कार्यविधि स्वीकृत गरेका थिए ।

चालु आर्थिक वर्ष २०८१/८२ को बजेटमा पनि सरकारले लगानीका वैकल्पिक स्रोत खोज्ने उल्लेख गरेको छ । व्यापारिक, निजी, गैरसरकारी कोष तथा अनुदान र सहुलियतपूर्ण ऋण सहायतालाई मिश्रित गरी समिश्रित वित्त ९ब्लेन्डेड फाइनान्स० विधिमा विकास सहायता परिचालन गर्ने उल्लेख छ ।

यो कोषमा अन्तरराष्ट्रिय संस्थाहरू विश्व बैंक, एडीबीजस्ता संस्थाहरुले कम ब्याजदरको ऋण, अनुदान, वा ग्यारेन्टी प्रदान गर्न सक्नेछन । यो वर्ष यससम्बन्धि कानून निर्माणलाई पूरा गरेर आगामी वर्षको बजेटमा वैकल्पिक वित्त कोष सञ्चालनमा ल्याउने सरकारी तयारी छ । सो कोषमार्फत परियोजना अघि बढाउने तयारी अर्थ मन्त्रालयको छ ।

खासगरी यस्तो कोषको रकम पूर्वाधारको क्षेत्रमा लगानी गरिनेछ । पछिल्लो समय नेपालमा पूर्वाधारमा लगानीको चर्को अभाव छ । दातृ निकायहरुबाट अनुदानहरु कटौती भएकाले पनि सरकारलाई पूर्वाधार क्षेत्रमा लगानी जुटाउन समस्या पर्दै आएको छ ।

अर्थ मन्त्रालयका सहसचिव श्यामप्रसाद भण्डारीका अनुसार वैकल्पि स्रोत व्यवस्थापन कोषका लागि कानूनको मस्यौदा बनाएर प्रधानमन्त्री तथा मन्त्रीपरिषद्को कार्यालयमा पठाइसकिएको छ ।

उनले भने,‘वैकल्पिक वित्त परिचालनका सम्बन्धमा व्यवस्था गर्न बनेको विधेयकलाई अर्थ मन्त्रालयले मन्त्रिपरिषद्मा पठाएको छ, स्वीकृतपछि कानून बन्ने प्रक्रिया हुनेछ र कानून बनेपछि कोष सञ्चालनमा ल्याइनेछ ।’

वैकल्पिक वित्त परिचालनबाट जम्मा भएको रकम रोजगारी प्रवद्र्धन गर्ने, उल्लेख्य आर्थिक प्रतिफल दिने वा कुल गार्हस्थ्य उत्पादन वृद्धि गर्न सघाउ पुर्‍याउने परियोजनाको पहिचान, अध्ययन, विकास, निर्माण वा कार्यान्वयनका लागि प्रयोग गरिनेछ । कोषको अधिकृत पुँजी १ खर्ब हुनेछ भने २५ अर्ब चुक्ता पुँजी हुनेछ ।

सन् २०१५ मा संयुक्त राष्ट्रसंघको दिगो विकास लक्ष्यसँगै मिश्रित वित्तको अवधारणा लोकप्रिय भएको थियो । सन् २०२३ सम्म यो बजार १३५ अर्ब डलरभन्दा बढी पुगेको थियो ।

मुलुकभित्र रहेको वित्त अभावको चर्को खाडललाई सम्बोधन गर्न सरकारले वैकल्पिक स्रोत व्यवस्थापनका लागि यस्तो कोष बनाउने बताएको थियो । सोही अनुसार प्रक्रिया अघि बढेको छ ।

राजावादीको प्रदर्शनबाट मृत्यु भएका पत्रकार रजकको परिवारसंग भेटपछि प्रधानमन्त्रीले के भने ?

काठमाडौंको तीनकुनेमा आगजनीमा परेर गत शुक्रबार मृत्यु भएका पत्रकार सुरेश रजकको परिवारसँग प्रधानमन्त्री केपी शर्मा ओलीले भेटवार्ता गरेका छन् ।

सोमबार बालुवाटारमा भएको भेटवार्तामा प्रधानमन्त्री ओलीले उक्त घटनाप्रति गहिरो दुःख व्यक्त गर्दै घटनाको छानबिन गरी दोषीमाथि कडा कारबाही गरिने बताए ।

प्रधानमन्त्री ओलीले सुरेशको दाहसंस्कार गर्न उनको परिवारसँग आग्रह गर्दै सुरेशकी पत्नीलाई रोजगारीको व्यवस्था मिलाउने बताए । राजावादीहरुरले गत शुक्रबार काठमाडौंका तीनकुने लगायतका क्षेत्रमा तोडफोड र आगजनी गरेका थिए । उक्त कार्यमा संलग्न केहीलाई प्रहरीले पक्राउ गरिसकेको छ ।

जलविद्युत योजनाको पिपिएबाट ८ अर्बको लेनदेन हुँदैछ : झलनाथ खनाल

पूर्वप्रधानमन्त्री झलनाथ खनालले देशव्यापी रुपमा भ्रष्टाचार बढेको बताएका छन् ।

पार्टी निकट खेलकुद महासंघको कार्यक्रमलाई सम्बोधन गर्दै उनले यस्तो बताए । उनले अहिले देशव्यापी रुपमा भ्रष्टाचार नै भ्रष्टाचार रहेको र हरेक क्षेत्रमा सरकारका वरपर भ्रष्टाचार व्याप्त भएको जिकिर गरे ।

उनले भ्रष्टाचारको पछिल्लो उदाहरण कुलमान घिसिङलाई हटाउनु भएको बताए । उनले अहिले कम्तिमा ४ हजार मेगावाटका जलविद्युत योजनाहरुको पिपिए गर्ने बेला भएको र त्यसमा ६ देखि ८ अर्बको लेनदेन भइरहेको बताए ।

पूर्वप्रधानमन्त्री खनालले भने,‘देशव्यापी रुपमा भ्रष्टाचार नै भ्रष्टाचार छ । हरेक क्षेत्रमा सरकारका वरिपरी भ्रष्टाचार नै भ्रष्टाचार छ । अनि मन्त्रालयमा गयो भ्रष्टाचार नै भ्रष्टाचार छ । भ्रष्टाचारमा सबैभन्दा पछिल्लो उदाहरण म भन्न चाहन्छु । कुलमान घिसिङलाई विद्युत प्राधिकरणबाट किन फ्याँकियो रु जबकी उनको तीन महिना मात्रै बाँकी थियो । तीन महिना मात्रै भएको कर्मचारीलाई यति जबरजस्ती रुपले निर्ममतापूर्वक, कायरतापूर्वक र स्वार्थपूर्ण ढंगले किन फ्याँकियो । किनभने अहिले विद्युत प्राधिकरणबाट देशभर विकास गरिने जलविद्युत आयोजनाहरु छन्, त्यसमा कम्तिमा ४ हजार मेगावाटका जलविद्युत योजनाहरुको पिपिए गर्ने बेला भएको छ । बिजुली कतिमा किन्ने भनेर मोलतोल गर्ने बेलामा हो यो । त्यो बेलामा धेरै ठूला लेनदेनका कामहरु हुने गर्दछन् । त्यसमा ६ देखि ८ अर्बको लेनदेन हुनेवाला छ ।’

पूर्वप्रधानमन्त्री खनालले देशमा बेरोजगारी व्याप्त रहेको बताए ।

गण्तन्त्रवादी दलहरु तोडफोड र मान्छे मारेर सत्तामा पुगेका हुन् : राजेन्द्र लिङदेन

राष्ट्रिय प्रजातन्त्र पार्टीका अध्यक्ष राजेन्द्र लिङदेन नेपाली काँग्रेस– नेकपा एमालेहरू सत्तामा भजन कीर्तन गाउँदै र मादल बजाउँदै आइपुगेको हो ? भन्दै प्रश्न गरेका छन् ।

प्रतिनिधि सभाको सोमवारको बैठकमा बोल्दै उनले यस्तो प्रश्न गरे । उनले चैत १५ गते भएको राजावादी समूहको आन्दोलनमा आन्दोलनकारीले मात्र नभई राज्य पक्षबाट समेत ज्यादति गरिएको आरोप लगाए ।

उनले अहिले सत्तामा रहेका दलहरू समेत तोडफोड र मान्छे मारेर सत्तामा पुगेको टिप्पणी गरे । उनले सरकारले राजावादी आन्दोलन बिथोल्नको लागि घरको छतमा बसेर म्याद गुज्रेका अश्रुग्याँस फालेको आरोप लगाए ।

उनले भने, ‘चैत १५ गते आन्दोलनकारीले मात्रै ज्यादति गरेको हो ? त्यो नियन्त्रण गर्ने दायित्व सरकारको होइन ? तपाई कांग्रेस–एमाले भन्नेहरू आज यो सत्तामा भजन कीर्तन गाउँदै मादल बजाउँदै आइपुगेको हो ? तपाईहरु तोडफोड नगरी आएको हो ? मान्छे नमारी आएको हो ? त्यसकारण म भन्छु, सविन महर्जनलाई हिँडिराखेको बेला गोली किन हानियो ? छतमा बसेर किन म्याद सक्केको अश्रुग्याँस बर्साइयो ? किन माथिबाट गोली हानियो ? त्यसको जवाफ चाहिन्छ ।’

उनले न्यायिक छानविन आयोग गठन गरि दोषीलाई कारबाही गर्न सरकारको ध्यानाकर्षण गराएका छन् ।

ज्ञानेन्द्र शाहले जनताको घर जलाउन पठाए : एमाले सांसद भट्टराई

नेकपा (एमाले) का सांसद योगेशकुमार भट्टराईले पुर्वराजा ज्ञानेन्द्र शाहले निर्मल निवासबाट केही व्यक्तिलाई माला लगाएर जनताको घर जलाउन पठाएको आरोप लगाएका छन् ।

सोमवारको प्रतिनिधि सभाको बैठकमा बोल्दै सांसद भट्टराईले शाहले राज्यसँग गरेको सम्झौता भंग गरेको भन्दै उनलाई दिएको सेवा सुविधा कटौती गर्नेबारे सोच्नुपर्ने बताए ।

उनले पूर्व राजाले शाहले राज्यसँग गरेको सम्झौता भंग गरेकोले उनलाई दिइएको सेवा सुविधा कायम रहन्छ कि रहँदैन ? भन्दै प्रश्न गर्दै सरकारसँग जवाफ माग गरे ।

उनले भने, ‘पूर्वराजा शाहलाई सरकार पूर्व राष्ट्राध्यक्षको हिसाबले यो राज्यले सेवा सम्मान दिन्छ भनेर दिएको हो । आज त्यो सम्झौता पनि ज्ञानेन्द्र शाहले भंग गर्नुभयो । त्यसैले आज म यो संसदमार्फत प्रश्न गर्न चाहन्छु । सम्झौता भंग भएपछि उहाँलाई दिएको सेवा सुविधा कायम हुन्छ कि हुँदैन ? म सरकारलाई सोध्न चाहन्छु । उहाँले सम्झौता भंग गर्नुभयो । उहाँले लफंगाहरुलाई जनकमाण्डर बनायो । तीनकुनेमा ताण्डव नृत्य नचाउन पठाउनु भयो । म फेरि भन्छु । निर्मल निवासबाट लफंगाहरुलाई माला लगाएर जनताको घर जलाउन पठाउनु भयो । तपाईँको सम्झौता भंग भयो । त्यसैले तपाईँलाई दिइएको सेवा सुविधा के हुन्छ ? सरकारले जवाफ दिनुप¥यो ।’

उनले पृथ्वीनारायण शाह र बहादुर शाह बाहेकका राजाले राष्ट्र जोगाउने काम गर्न नसकेको बताए । उनले नेपालको सिमाना कहाँ थियो आज कहाँ छ ? भन्दै प्रश्न गरे ।

प्रेस सेन्टरमा पहिलो पटक निर्वाचन प्रक्रियाबाट नेतृत्व चयन

प्रेस सेन्टर नेपालको अध्यक्षमा कमल गिरी निर्वाचित भएका छन् । उनले प्रतिस्पर्धी दीपेन्द्र रावललाई १९१ मतान्तरले पछि पार्दै नेतृत्व हासिल गरेका हुन् । गिरीले ३६६ मत प्राप्त गर्दा रावलले १७५ मतमा सीमित रहे । गिरी यसअघि संगठनको वरिष्ठ उपाध्यक्ष थिए भने रावल उपाध्यक्ष पदमा थिए ।

वरिष्ठ उपाध्यक्ष पदमा सुरेशचन्द्र अधिकारी निर्वाचित भएका छन् । उनले ३९७ मत प्राप्त गर्दै प्रतिस्पर्धी सुदिप बर्देवालाई २८६ मतान्तरले पराजित गरे । अधिकारी यसअघि उपाध्यक्षका रूपमा कार्यरत थिए भने बर्देवा केन्द्रीय सदस्य मात्रै थिए ।

संगठनको उपाध्यक्ष पदमा पाँच जना निर्विरोध निर्वाचित भएका छन् । खुला उपाध्यक्षमा रामसिंह ठगुन्ना, लक्ष्मण खड्का र विवेक गौतम, महिला उपाध्यक्षमा शान्ता अधिकारी तथा समावेशी उपाध्यक्षमा दीपक श्रेष्ठ चयन भएका छन् । यसअघि अधिकारी सचिव, श्रेष्ठ उपमहासचिव र अन्य तीन जना उपाध्यक्ष पदमै कार्यरत थिए ।

महासचिव पदमा मनोज घर्तीमगर निर्वाचित भएका छन् । उनले ३७९ मत प्राप्त गर्दै प्रतिस्पर्धी दीपेन्द्र शर्मालाई २३१ मतान्तरले पराजित गरे। उपमहासचिव खुला तर्फ ज्ञानप्रसाद पौडेल ९ मतको झिनो अन्तरले विजयी भए । महिला उपमहासचिव लक्ष्मी आचार्य, दलित उपमहासचिव हरिश बिक, मधेशी उपमहासचिव अनिल मिश्र तथा आदिवासी जनजाति उपमहासचिव बुद्ध लोप्चन निर्विरोध निर्वाचित भएका छन् ।

सचिव पदमा सुरेन्द्र चालिसे र सन्तोष देउजा निर्वाचित भएका छन् भने महिला सचिवमा अञ्जली थापा तथा समावेशी सचिवमा अवतार राई विजयी भए । प्रदेश सचिव पदमा विभिन्न प्रदेशका प्रतिनिधिहरू निर्वाचित भएका छन् । प्रदेश एकबाट दीपेन्द्रकुमार राई, मधेश प्रदेशबाट सुनिता बराल, बागमती प्रदेशबाट मीनकुमार दाहाल, गण्डकी प्रदेशबाट दीपक भट्टराई, लुम्बिनी प्रदेशबाट मानसिंह बिक, कर्णाली प्रदेशबाट गाणेशकञ्चन भारती, सुदूरपश्चिम प्रदेशबाट राजेन्द्र अवस्थी निर्विरोध निर्वाचित भए । त्यस्तै उपत्यका प्रदेशबाट नवराज दाहाल, प्रतिष्ठान प्रदेशबाट केशव भुल तथा एसोसियट प्रदेशबाट नन्दलाल तिवारी निर्विरोध चयन भए ।

कोषाध्यक्ष पदमा वसन्त गिरी विजयी भएका छन्। उनले ३३५ मत प्राप्त गर्दै प्रतिस्पर्धी डा। डक्टप्रसाद धिताललाई १४८ मतान्तरले पराजित गरे । प्रदेशबाट चयन हुने केन्द्रीय सदस्यहरू, आरक्षणबाट प्रतिनिधित्व गर्ने सदस्यहरू तथा विभिन्न आयोगका पदाधिकारीहरू निर्विरोध निर्वाचित भएका छन् । निर्वाचन समितिका संयोजक गोविन्द आचार्यका अनुसार २९ पदाधिकारीहरूमध्ये अध्यक्ष, वरिष्ठ उपाध्यक्ष र महासचिवसहित १२ पदमा प्रतिस्पर्धा भएको थियो भने १७ पदाधिकारी निर्विरोध निर्वाचित भएका छन् ।

यसैगरी, लेखा समिति संयोजकमा अमृतराज तिवारी तथा सचिवमा भीम राई निर्विरोध निर्वाचित भए । अनुशासन समितिको संयोजकमा गुनाराम घिमिरे तथा सचिवमा कृष्ण लेकाली चयन भएका छन् । प्रेस सेन्टर नेपालको पाँचौँ महाधिवेशन शनिबार पूर्वप्रधानमन्त्री एवं नेकपा ९माओवादी केन्द्र० का अध्यक्ष पुष्पकमल दाहाल ‘प्रचण्ड’ ले उद्घाटन गरेका थिए ।

यस पटक पहिलोपटक संगठनको नेतृत्व प्रतिस्पर्धात्मक निर्वाचन प्रक्रियाबाट चयन गरिएको हो । गिरी नेतृत्वको टिम हेडक्वार्टर ९एचक्यू० का तर्फबाट प्रतिस्पर्धामा थियो भने जनार्दन शर्मा नेतृत्वको टिमबाट रावल प्रतिस्पर्धामा थिए । कुल ८२१ जना प्रतिनिधि रहेको यस निर्वाचनमा ५५१ मत खसेको थियो, जुन कुल मतदाता संख्याको ६७ प्रतिशत हो ।

पूर्वराजदूत एवं वरिष्ठ पत्रकार कोइरालाको निधन

वरिष्ठ पत्रकार एवं पूर्वराजदूत कमल कोइरालाको ८७ वर्षको उमेरमा निधन भएको छ । उनको सिनामंगलस्थित केएमसी अस्पतालमा भर्नामा उपचारका क्रममा आइतबार साँझ मृत्यु भएको हो ।

केही दिनअघि घरमै लडेका कोइरालालाई उपचारका लागि केएमसी भर्ना गरिएको थियो । पूर्वप्रधानमन्त्री मातृकाप्रसाद कोइरालाका छोरा कमलले दक्षिण कोरियाका लागि नेपाली राजदूत भएर काम गरेका थिए ।

कोइराला परिवारका एक मात्र कम्युनिस्ट र वामपन्थी विचारधारामा विश्वास राख्ने उनले विभिन्न पत्रपत्रिकामा स्तम्भकारका रुपमा काम गरेका थिए ।

पूर्वसांसदसमेत रहेका दिवंगत कोइरालाको सोमबार बिहान ११ बजे नेकपा एकीकृत समाजवादीको कार्यालयमा श्रद्धाञ्जली दिई पशुपति आर्यघाटमा अन्त्येष्टि गरिने पारिवारिक स्रोतले जनाएको छ ।

लगातार तेस्रो दिन पनि सुनको मूल्यमा नयाँ रेकर्ड, कति पुग्यो ?

नेपाली बजारमा सोमबारपनि सुनको मूल्यले पुनः नयाँ रेकर्ड कायम गर्न सफल भएको छ । कारोबारको दुई दिनअघि अर्थात् शुक्रबार सुनको मूल्यले ऐतिहासिक रेकर्ड बनाएको थियो ।

त्यसपछि आइतबार पनि सुनको मूल्य हालसम्मकै उच्च विन्दुमा पुग्यो । आइतबार सुन प्रतितोला १ लाख ७६ हजार ८ सय रूपैयाँमा कारोबार भएको थियो । नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ लाख ७७ हजार ९ रुपैयाँ पुगेको छ, जुन मूल्य हालसम्मकै उच्च हो । अघिल्लो दिनको तुलनामा आज ११ सय रुपैयाँ बढेको हो ।

आज चाँदीको मूल्य पनि प्रतितोला १० रुपैयाँले बढेर २ हजार ३५ रुपैयाँमा कारोबार भइरहेको छ । अघिल्लो कारोबार दिन बुधबार चाँदी २ हजार २५ रुपैयाँमा कारोबार भएको थियो ।

मुलुकभर मनाइयो ‘ईद-उल-फित्र’

ईस्लाम धर्मावलम्बीको चाड ईद (ईद-उल-फित्र) सोमबार मुलुकभर नमाज पढेर खुसी साटासाट गर्दै मनाइएको छ । मुस्लिम समुदायले एक महिनाको ब्रत ९रोजा० बस्न तथा दान दक्षिणा दिन सफल भएको खुसियालीमा यो पर्व मनाउने गर्छन् ।

आजको दिनलाई ‘ईद उल फित्र’ भनिन्छ । ‘ईद’ को अर्थ खुसी साटासाट गर्नु हो । मुस्लिम समुदायले आज बिहानै उठेर नुहाइधुवाइ गरेर खुला स्थान वा नजिकको मस्जितमा गएर नमाज पढ्ने गर्छन् ।

नमाज पढेपछि परिवारजन तथा साथीभाईसँग भेटघाट गरेर खुसी सटासाट गर्ने प्रचलन रहेको मुस्लिम अगुवाको भनाइ छ । ईदमा विशेष नमाज समर्पण गरिसकेपछि आफूभन्दा ठुलाबडाबाट आशीर्वाद लिने र आफूभन्दा सानालाई आशीर्वाद दिने गरिन्छ । यस अवसरमा विभिन्न मिष्टान्न, परिकार खाने र खुवाउने परम्परा रहिआएको छ ।

मुस्लिम आयोगको अगुवाइ र धार्मिक संस्थासँगको सहकार्यमा काठमाडौँसहित विभिन्न जिल्लाबाट आइतबार साँझ चन्द्रमा देखिएको एकीन गरिएको र आज सार्वजनिक बिदा दिन सरकारसमक्ष सिफारिस गरिएअनुसार भएको आयोगका कार्यवाहक अध्यक्ष महमदिन अलीले जानकारी दिए ।

गणतन्त्रको घोषणा भएपछि सरकारले ईदका अवसरमा सार्वजनिक बिदा दिँदै आएको छ । सरकारी तथ्याङ्कअनुसार मुलुकमा कुल जनसङ्ख्याको पाँच दशमलव नौ प्रतिशत मुस्लिम समुदायको जनसङ्ख्या छ ।

तराई÷मधेसका रौतहट, कपिलवस्तु, बारा र बाँके तथा पहाडका गोरखा, अर्घाखाँची र कास्कीलगायत जिल्लामा मुस्लिम समुदायको बाहुल्यता छ ।
कावा अध्यक्ष अलीले मुस्लिम समुदायलाई राज्यको मूल प्रवाहमा ल्याउन आयोगले विभिन्न कार्यक्रम गर्दै आइरहेको बताए ।

उनले ईदका अवसरमा स्वदेश तथा विदेशमा रहेका सम्पूर्ण मुस्लिम दाजुभाई, दिदीबहिनीमा शुभकामना व्यक्त गरे । ईदले धार्मिक सहिष्णुतासहित एकता, सद्भाव र मित्रता कायम गर्न प्रेरणा प्रदान गर्ने अलीको विश्वास छ ।

म्यान्मामा भूकम्प स् मृतक सङ्ख्या दुई हजार नाघ्यो, एक हप्ताको राष्ट्रिय शोक घोषणा

यहाँको सरकारले विनाशकारी भूकम्पका कारण एक हप्तासम्म राष्ट्रिय शोक घोषणा गरेको छ । शुक्रबार आएको ७।७ म्याग्निच्युडको भूकम्पमा परी मृत्यु हुनेको सङ्ख्या दुई हजार ५६ पुगेको छ भने तीन हजार ९०० भन्दा बढी घाइते भएका छन् ।

अझै २७० जना हराइरहेका छन्, जसका कारण मृतक सङ्ख्या अझै बढ्ने अनुमान गरिएको छ । सरकारले अप्रिल ६ सम्म राष्ट्रिय झन्डा आधा झुकाउने निर्णय गरेको छ ।

म्यान्माको दोस्रो ठूलो सहर मण्डले भूकम्पबाट सबैभन्दा प्रभावित क्षेत्रमध्ये एक हो । यहाँ तीन दिनदेखि हजारौं मानिसहरू सडकमा रात बिताउन बाध्य छन् । कतिपय आफ्नो घर भत्किएकाले फर्कन सकेका छैनन् भने कतिपय पुनः कम्पनको डरले बाहिरै बसिरहेका छन् । केहि मानिसहरूसँग टेन्ट भए पनि धेरैजना सडकमा मात्र ओछ्यान बिछ्याएर रात काटिरहेका छन् ।

मण्डलेको मुख्य अस्पताल क्षतिग्रस्त भएपछि बिरामीहरूलाई बाहिरै उपचार गरिँदै छ । अस्पतालको पार्किङस्थलमा बिरामीहरूलाई टेन्टभित्र राखिएको छ । गर्मीका कारण उपचारमा थप समस्या भएको छ । स्वास्थ्यकर्मीहरूले न्यून स्रोतसाधनमा सक्दो सहयोग गरिरहेको बताएका छन् ।

भूकम्पको असर म्यान्मा सीमित नभई छिमेकी देशहरूमा पनि परेको छ । थाइल्यान्डको राजधानी बैङ्ककमा भूकम्पको झट्काले एक ३०–तले भवन भत्किँदा १९ जनाको मृत्यु भएको छ । चीनका तीन नागरिक र दुई जना फ्रान्सेली नागरिक पनि मृतकहरूको सूचीमा परेका छन् ।

चार वर्षदेखिको गृहयुद्धका कारण आर्थिक र स्वास्थ्य प्रणाली नै धरासायी भएको म्यान्माले अन्तर्राष्ट्रिय सहायता मागेको छ । विश्व स्वास्थ्य सङ्गठन ९डब्लुएचओ० ले आपत्कालीन सहायता घोषणा गर्दै आगामी ३० दिनभित्र आठ लाख अमेरिकी डलर सहयोग आवश्यक पर्ने बताएको छ । रेडक्रसले पनि १०० मिलियन डलरभन्दा बढी सहयोगको अपिल गरेको छ ।

चीन, रूस, भारत लगायतका देशहरूले सहायता उपलब्ध गराइरहेका छन् । तर, सङ्कटको बीचमा पनि म्यान्माको सैन्य सरकारले विरोधी समूहहरू विरुद्ध हवाई आक्रमण जारी राखेको छ । एउटा जातीय सशस्त्र समूहका अनुसार भूकम्पपछि भएको हवाई आक्रमणमा सात लडाकु मारिएका छन् ।

थाइल्यान्डमा भने उद्दारकर्मीहरू अझै पनि भग्नावशेषमा फसेका मानिसहरूलाई खोजिरहेका छन् । बैङ्ककमा ७५ जना अझै बेपत्ता छन् । उद्दार टोलीहरूले जीवित भेटिने आशा नरहेको बताएका छन् ।