चलचित्र ‘जनै हराएको बाहुन’को स्क्रिप्ट पूजा, २४ गते शुभ मुहूर्त

काठमाडौँ । चलचित्र ‘जनै हराएको बाहुन’को ललितपुरको कार्य विनायक मन्दिरमा स्क्रिप्ट पूजा गरिएको छ । हिमाल न्यौपानेले निर्देशनमा निर्माण हुने ‘जनै हराएको बाहुन’को मंगलबार बिहान स्क्रिप्ट पूजा गरिएको हो ।

स्क्रिप्ट पूजामा कलाकारहरू मिरुना मगर, गौरव पहाडी, सुशांक मैनाली लगायतको उपस्थिति रहेको थियो । निर्माण टिमकाअनुसार चलचित्र शुभ मुहूर्त यही २४ गते गरिने र २५ गतेबाट छायाङ्कन सुरु गरिनेछ ।

‘जनै हराएको बाहुन’ले गाउँदेखि सहर आएका एक सरल व्यक्तिले भोग्नुपरेका अनपेक्षित परिस्थिति र त्यसले उनको जीवनमा ल्याएको परिवर्तनलाई केन्द्रमा राखेको छ । चलचित्रले आमा र छोराबिचको भावनात्मक कथा भन्नेछ ।

चलचित्रमा अभिनेता विजय बराल, गौरव पहाडी, रियर राई तथा अभिनेत्री केकी अधिकारी र मिरुना मगर लगाएतको मुख्य भूमिका रहनेछ ।

चलचित्रको असोसियट निर्देशकमा मनिष राउत रहेका छन् । पेपरक्लिप प्रालिले निर्माण गर्न लागेको नयाँ कथा र आकर्षक सिनेमाको कथा, पटकथा र संवाद भानुभक्त ढकालले लेखेका हुन् ।

चलचित्रमा नवीन गुरुङ छायांकार, क्रियटिभ निर्देशक सम्राट महर्जन (ज्याक), भिएफक्स सुपरभाइजरको रूपमा मयंक निरौला रहेका छन् । चलचित्र आगामी वर्षको हरितालिका तीज अर्थात् भदौ १० गते रिलिज हुँदैछ ।