पर्सा मुद्दामा राजनीति गर्ने प्रयोग भइरहेको छ : रवि लामिछाने

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले पर्साको वीरगञ्जस्थित सानोपाइला सहकारीको रकम गोर्खा मिडियामा गएको भन्ने भ्रम फैलाउने काम गरेको आरोप लगाएका छन् । उनका अनुसार, सरकारले तीनकुनेको घटनालाई लुकाएझैँ पर्साको विषयमा पनि ढाकछोप गर्ने प्रयास गरेको छ ।

मंगलवार सिंहदरबारस्थित सभामुख देवराज घिमिरेसँगको भेटमा उनले सरकारको भूमिकामा कडा आलोचना गर्दै यस्तो आरोप लगाए । सभापति लामिछानेले पर्साको विलम्बको मुद्दामा सरकारको गैरजिम्मेवार प्रवृत्तिको आलोचना गर्दै भने, ‘तीनकुनेको घटनासँग मिल्दोजुल्दो हालतमा सरकारले ढाकछोप गरिरहेको छ। पर्सामा भएको घटनामा सरकारले झन् ढाकछोप गर्ने प्रयास गरिरहेको छ ।’

उनले थपे, ‘मलाई सरकारको निर्णयप्रति गम्भीर शंका छ। पर्सा मुद्दामा सरकारले मान्छे लगाएर मुद्दा दर्ता गराएको छ र त्यसलाई राजनीतिक प्रतिशोधको रुपमा प्रयोग गर्दैछ । संसदलाई सर्वोच्च निकाय मानेर मैले सभामुखसँग भेटेर मुद्दा संसदबाटै निवारण गर्न अनुरोध गरेको छु ।’

सभापति लामिछानेले संसदको सेसनको पहिलो दिन सभामुखलाई निवेदन दिएको कुरा पनि उल्लेख गरे । उनले भने, ‘कानूनी प्रक्रिया र अदालतको सम्मान गर्दै म मुद्दा हल हुने आशामा थिएँ। तर सरकारले यो अवसरलाई राजनीतिक हतियार बनाइरहेको छ । अदालतको ढोकामा टेकाइएका मुद्दामा हतियार प्रयोग गरेर सरकारको पक्षमा राजनीति गर्ने प्रयास भइरहेको छ ।’

उनले पर्सामा सरकारको हस्तक्षेपलाई नकारात्मक रुपमा मूल्याङ्कन गर्दै भने, ‘यदि सरकारको यही व्यवहार जारी रह्यो भने भविष्यमा यो राजनीति र प्रतिशोधको हतियारको रुपमा प्रयोग हुनेछ । यो अवस्थामा मैले सभामुखसँग बैठक गरें र सकारात्मक उत्तर प्राप्त गरेँ ।’

उनले पर्साको मुद्दामा सरकारले आफूलाई हतियारको रुपमा प्रयोग गरिरहेको र तीनकुनेको घटनासँग मिल्दोजुल्दो ढंगले छोप्ने प्रयास गरेको बताएका छन् । ‘पर्सा मुद्दामा सरकारको ढाकछोप मात्र होइन, यसलाई राजनीतिक अवसरको रुपमा पनि प्रयोग गरिएको छ,’ उनले भने ।